Сентябриин 20-һоо эхилжэ, һарын дүүрэтэр Мухар-Шэбэрэй ажаһуугшад «Хүжэ ногоон Росси» гэһэн бүхы гүрэн доторхи хэмжээ ябуулгада оролсоно.
Тиигэжэ гэрэйнгээ газаахи ба зосоохиие сэбэрлэхэ, гудамжануудаа бог шоройһоо сүлөөлхэ зэргэтэй. Гадна гэр байрануудайнгаа үүдэ болон сонхонуудые шэрдэнэ, хашаа хорёогоо һэльбэн шэнэлнэ.
Харин бүри урид, сентябриин 14-дэ, нютагай зон «Ой модоёо аршалая!» гэһэн Буряад Уласай хэмжээ ябуулга дэмжэжэ, хубитаяа оруулаа. Мухар-Шэбэрэй урагшаа һанаатай эдэбхитэйшүүл ойн ажахын ажалшадтай, Гашей һууринай һурагшадтай хамта 450 модо һуулгаа. Мүн тиихэдэ Хүсөөтын һурагшад бүхыдөө 50 нарһа, мойһо, хуһа һургуулиингаа газаа һуулгаа. Һурагшадта ойн харуулшад, хубиин хэрэг эрхилэгшэд - Иванов А.А., Шахбазян А.А. болон Мамедов М.С. туһалаа.
«Олон зон бага, ехэгүй хамтаржа, түрэл нютагаа тунга ногоон болгохын тулада ажал хэбэбди. Хамтын хүсөөр лэ иимэ дэмбэрэлтэ хэрэг бүтэдэг! Энэ шухала хэмжээ ябуулгада эдэбхитэйгээр хабаадаһан бүхы зондо баярые хүргэнэбди», - гэжэ Мухар-Шэбэрэй ойн ажахын мэргэжэлтэн Светлана Екимова баяраа мэдүүлээ.
«Земля Мухоршибирская» сонинһоо