​​Буряад Уласай Арадай Хуралай ээлжээтэ сесси мүнөөдэр үнгэргэгдэнэ

Анна Огороднигой гэрэл зураг

Буряад Уласай Арадай Хуралай зургаадахи зарлалай ээлжээтэ долоодохи сесси мүнөөдэр, сентябриин 26-да, үнгэргэгдэнэ. Һунгамалнууд 40 асуудалаар хэлсэхэ юм. «Засагай газарай сагай» хэмжээндэ Буряад Уласай Тээбэриин, элшэ хүсэнэй, болон харгын ажахын сайдай орлогшо Александр Аюшеев таксигаар хүнүүдые шэрэхэ ажал ябуулга эмхидхэхэ талаар уласай Засагай газарай хэмжээнүүд тухай тоосохо.

Анна Огороднигой гэрэл зураг

Арадай Хуралай ээлжээтэ сесси шагнал ёһололһоо эхилээ. «Буряад Уласай урда аша габьяагай түлөө» гэһэн медаль Михаил Гергеновтэ барюулагдаа. 

Анна Огороднигой гэрэл зураг

«За заслуги в развитии парламентаризма и совершенствовании законодательства Республики Бурятия» гэһэн хүндэлэлэй тэмдэгээр Леонид Белых шагнагдаа.

Анна Огороднигой гэрэл зураг

Аймагуудай һунгамалнуудай зүблэлэй фракцинуудай байдал элирхэйлэгдээ

Һунгамалнууд сессидэ «Буряад Уласай нютагай засагай байгууламжын түлөөлэлгын эмхидэ фракцинуудай ажалай гурим тухай» гэһэн хуули хоёр уншалгада абаһан байна. Хуулиин түсэлтэй Буряад Уласай Арадай Хуралай Гүрэнэй байгуулалтын, нютагай өөһэдын хүтэлбэриин, хуули ёһоной болон гүрэнэй албанай асуудалнуудай талаар хорооной түрүүлэгшын орлогшо Лариса Крутиян танилсуулаа. Тэрэнэй хэлэһээр, аймагуудта фракци тухай ойлгосо хуулиин ёһоор баталагдажа, тэрэниие бүридхэлдэ абаха, ажал ябуулха, бүрин эрхэ гуримшуулха.

Анна Огороднигой гэрэл зураг

Гэр байрын асуудал

Буряад Уласай Толгойлогшо «2019 он болон 2020-2021 түсэблэлгын жэлнүүдтэ уласай бюджет тухай» гэһэн хуулида хубилалта оруулжа, һунгамалнууд тэрэнииень дэмжэһэн байна.

Анна Огороднигой гэрэл зураг

Буряад Уласай мүнгэн һангай сайд Всеволод Мухинай хэлэһээр, «үншэн үхибүүд болон түрэлхидэй харууһагүй үлэһэн үхибүүдтэ гэр байрын тусхай жаса байгуулха зорилготой 2019 оной уласай бюджедэй олзо болон гаргаша тодорхойлхо» гэжэ хуулиин түсэл байгуулагдаа. Түсэлэй ёһоор, «Ипотечная корпорация Республики Бурятия» гэһэн бүлгэмдэ 29,96 сая түхэригэй тэдхэмжэ үзүүлхэ тухай дурадхагдаа. 

Анна Огороднигой гэрэл зураг

Анна Огороднигой гэрэл зураг