Захаамин аймагай Үлэгшэн һууринда «Гэр байра болон хотын оршон» гэһэн үндэһэн түсэлөөр баригдаһан хүүгэдэй талмайн нээлгын баяр ёһолол үнгэргэгдэбэ.
Үндэһэн түсэлдэ ородог «Болбосон түхэлтэй хотын оршон байгуулга» гэһэн түсэлөөр хүүгэдэй хэрэглэхэ тоног хэрэгсэл абалгада 300 мянган түхэриг һомологдоо. Тиихэдэ иимэл хэмжээнэй мүнгэн олониитын хангалгын байгууламжада дамжуулагдаһан байна.
Байгша ондо Захаамин аймагта бүхыдөө үндэһэн түсэлөөр 11,7 сая түхэриг дамжуулагдажа, олониитын 14 газар болон гэрнүүд шадархи 13 талмай заһабарилагдаха. Тэрэ тоодо, 10 саяһаа дээшэ мүнгэн Закаменск хотодо болбосон түхэлтэй болгохо талаар заһабарилгын ажалда дамжуулагдаха.
Буряад Уласта 2019 ондо «Гэр байра болон хотын оршон» гэһэн үндэһэн түсэл бэелүүлэгдэжэ эхилээ. Уласай 104 һууринуудта зболбосон түхэлтэй болгохо талаар заһабарилгын ажалнуудта 306 саяһаа дээшэ мүнгэн һомологдоо. Энэ түсэл 2024 он болотор бэелүүлэгдэхэ. Ородой Холбоото Уласай Юрэнхылэгшэ Владимир Путин гүрэнэй можо нютагуудай хотонуудые болбосон түхэлтэй болгохо тухай даалгаһан байна гэжэ һануулнабди.
Буряад Уласай Засагай газарай мэдээсэлэй албанай гэрэл зураг