Октябриин 13-да Буряад Уласай Толгойлогшо Токиодо 2020 оной Олимпиин нааданда бэлэдхэлэй талаар зүблөө үнгэргөө. Алексей Цыденовэй тэмдэглэһэнэй ёһоор, уласай спортын федерацинууд энээнһээ урид бүхыдөө жэлэй 24 сая түхэриг абадаг байгаа, харин 2020 онһоо мүнгэ һомололго гурба дахин дээшэлүүлэгдэхээр түсэблэгдэнэ.
- Ниитэ нэгэ календариин түсэбөөр 2020 ондо бидэ гурба дахин нэмэлтэтэй орохомнай. Спортын федерацинуудта – 70,5 сая түхэриг ба Олимпиадада шэлэгдэһэн хүнүүдтэ нэмэлтэ бэлдэлгэдэ 10 сая түхэриг хараалагдаа. 24 сая түхэригэй орондо нүгөө жэлдэ бюджедтэ 80 сая түхэриг һомолхоор хараалнабди. Энэ болбол нэгэ жэлэй шиидхэбэри бэшэ, харин ходо иимэ байха болоно. Тиихэдэ спортын федераөинуудай ажалай дүн хүлеэнэбди. Спортын хангалгын байгууламжа бэлдэнэбди, спортын объектнүүдые байгуулнабди, харин таанарһаа – дүн хэрэгтэй. Буряад уласай арга хүсэл тухай бүхы дэлхэйдэ мэдүүлхын түлөө тамиршаднай түрүү һууринуудые эзэлхэ болоно, - гэжэ уласай хүтэлбэрилэгшэ хэлэбэ.
Олимпиин, Паралимпиин, Сурдлимпиин наадануудта бэлдэхэ талаар зохихо оршон байгуулгада Олимпиин наадануудта нэмэгдэжэ һомологдоһон мүнгэн шэглүүлэгдэхэ.
Тиихэдэ зүблөөнэй үедэ Олимпиин наадануудта бэлэдхэл тухай спортын федерацинууд, уласай спортын-дадалгын һургуулиин захирал Буянто Цыренжапов, хүл гар муутай хүнүүдэй спортын талаар ахалагша тренер Цыденбал Цыренжапов болон бусад тоосоһон байна.
Ородой Холбоото Уласай Спортын яаманай 2018 оной 4 һарын 25-най № 399 захиралтын ёһоор, Буряад Уласта спортын 10 янза баталагдаа: барилдаан, бокс, хүнгэн атлетикэ, һур харбаан, санаар урилдаан, шэхэ хатуу хүнүүдэй спорт, хүл гар муутай хүнүүдэй спорт, сагаалса буудалга, дзюдо, тхэквондо ИТФ. Спортын эдэ янзануудай атмиршадай тоо 51 204 хүн болоо. Олимпиин ба Паралимпиин наадан 2020 ондо июлиин 24-һөө августын 9 болотор Японой Токио хотодо үнгэргэгдэхэ. 2021 оной Сурдлимпиин наадан – 2021 ондо эмхидхэгдэхэ, гэхэтэй хамта, хэзээ, хаана үнгэрхэнь үшөө тодорхой болоогүй.
2018 ондо Буряадай суглуулагдамал командануудай гэшүүд Европын, Азиин, дэлхэйн тэмсээнүүдтэ ба Эдиршүүлэй Олимпиин надануудта 109 медальнуудые, тэрэ тоодо 39 алтан, 37 мүнгэн ба 33 хүрэл абаа. Буряад Уласай Засагай газарһаа 17,3 сая түхэригэй нэгэ түлэгдэхэ шангууд барюулагдаа. Буэнос-Айрестэ Эдиршүүлэй Олимпиин наадануудта амжалтатай хабаадаһан Яна Енина Анастасия Деревягина хоёрто гэр байра худалдан абаха хэрэгтэ 4 770 062 түхэриг Буряад Уласай Засагай газарһаа үнэмшэлгэ барюулагдаа һэн.