811
2019 оной хоёрдохи ээлжээнэй урилдаанай дүнгүүдээр Буряад уласай худалдаа наймаанай бэшэ ниигэмэй шэглэлтэй 11 эмхи Ородой Холбоото Уласай Юрэнхылэгшын эрхэтэнэй ниигэм хүгжөөлгэдэ зорюулагдаһан грантын дэмжэлгэдэ хүртөө. Бүхы дээрээ һомололго 15 гаран сая түхэригтэ хүрөө.
Ямар түсэлнүүд грантда хүртөөб гэхэдэ, «Хранители Байкала» реализует проект «Семейная экостудия «Урлагша», который направлен на формирование у детей трудовых и экологических навыков через совместные занятия со старшими членами семьи.
“Байгалай һахюуһад” гэһэн уласай ниитын эмхи “Урлагша” гэр бүлын экостуди” түсэл бэелүүлнэ. Тус түсэлөөр гэр бүлын аха зонтой хамта ажалай ба экологиин дүй дүршэлые хүүгэдтэ зааха болоно.
Тиихэдэ Дамба Даржа Заяевай нэрэмжэтэ Буддын шажанай «Даша Чойнхорлин» ехэ һургуули “Буддын һургаал “Бэлигүүн толи” гэһэн түсэлэй хэмжээндэ һурагшад болон томошуулда һургаалай удхаар урилдаа үнгэргэхэ, һургаалай шэнэ оршуулгаар ном хэблэхэ.
Гэхэтэй хамта, “Базинай” ТОС “Эрдэни зэндэмэни” гэһэн түсэлэй хэмжээндэ бэеын элүүр мэндэ, һайн шанартай хоол, бэеэ гамнаха талаар Буряад Уласай ажаһуугшадые ба айлшадые һургаха түсэбтэй.Шахардуу байдалда ороһон хүүгэдтэй бүлэнүүдые ба эрхэтэдые ниигэмэй талаһаа дэмжэхэ түбые “Байгалай хүүгэд” гэһэн ниитын үүсхэл дэмжэхэ нютаг можын түб байгуулха.
Буддын шажанай Ородой Холбоото Уласай заншалта Сангха уласта ажаһуудаг арадуудай этноэкологиин заншалтай залуушуулые танилсуулха зорилготой “Байгалай түрэл газар” гэһэн этноэкологиин болбосоролой түб байгуулха грантда хүртөө.
Сэсэрлигэй эмхи зургаануудта ябадаг ба ябадагшьегүй багашуулай “Роботошка” гэһэн хүүгэдэй техникын зохёохы ажалай түб байгуулгада шэглүүлэгдэһэн 113 дугаар “Капитошка” хүүгэдэй сэсэрлигэй харгалзалха зүблэлэй түсэл Юрэнхылэгшын грантнуудай жасын дэмжэлгэдэ хүртөө.
“Инновациин хүгжэлтэ” гэһэн нөөсын түб эрдэм шэнжэлэлгын ажал ябуулга, нээлтэ хэхэ ба техникын зохёохы ажал дэлгэрүүлгэдэ шэглүүлэгдэһэн “Эдир шудалааша” гэһэн ахалагша ангиинхидта мэдээсэлэй-гэгээрүүлгын хүтэлбэри бэелүүлхэ.
Хяагта хотын хасагуудай ниигэмлиг “Сибириин хасаг изба” гэһэн хасаг түб байгуулгада шэглүүлэгдэһэн түсэлэй хэмжээндэ түүхэ үзэхэ ба аяншалга хүгжөөхэ талаар гэгээрүүлгын ажал эрхилхэ
Үнэн алдартанай хүндэ туһа хүргэхэ ба “Красноярово” эрхэтэдэй махабад һэргээлгын түбтэ ниигэмэй хоспис нээгдэхэ. Чувашуудай нютаг зоной эблэл нютагайхидайнгаа дунда түрэл соёлоо дэлгэрүүлгэдэ шэглүүлһэн түсэл бэелүүлхэ. “Спортивна Ага” гэһэн жаса аяншалга хүгжөөхэ зорилгоор өөһэдын нютагуудые хүгжөөхэ талаар түсэлнүүдтэ Хурамхаан ба Баргажан аймагуудай хүдөөгэй залуушуулые хабаадуулха.
Юрэнхылэгшын грантнуудай жаса бүхыдөө 2019 оной хоёрдохи урилдаанай дүнгөөр бүхы гүрэнэй 2,1 мянга гаран аралжаанай бэшэ эмхинүүдые дэмжээ. Тус урилдаанай дүнгөөр тэдэнэй дунда 4,3 млрд. түхэриг хубаарилдаха юм.
Буряад Уласай Засагай газарай мэдээсэлэй албанай гэрэл зураг
