Италиин Флоренци хотодо 41-дэхи удаа болоһон уласхоорондын кинофестивальда Монголой залуу уран бүтээлшэн, мисс А. Баярцэцэг “Эрхим зүжэгшэн” гэһэн шагналда хүртэбэ. Монголой Түрын шагналда хүртэһэн уран зохёолшо Д. Норовын “Хүхэ табилан” гэжэ туужын үндэрөөр бүтээгдэһэн киногой гол дүрэ А .Баярцэцэг бэелүүлжэ, зүжэгшэнэй түрүүшын дүршэл олобо бшуу.
Энэ кинодо наадахынгаа урдахана хамагай дүтын, хайратай хүнүүдээ удаа дараалан алдажа, амидаралайнгаа эгээл гунигтай үе туйлажа байгааб. Харин аба, эжынгээ түрэһэн нютаг болохо Говь-Алтайн Ээж хайрхан гэжэ уулын ара, үбэрөөр болоһон үйлэ ябадалнуудые зураглаһан кинодо оролсоһон ушарни намайе һэргээгээ, гадна зүжэгшэн болгоо. Уласхоорондын кинофестивальда түрүүшынхиеэ хабаадаа хүн аабзаб. Тиигэжэ Монголоймни тэнгэри хангай эбигээжэ, дүршэл шадабаритай, абьяас бэлигтэй мэргэжэлтэ уран бүтээлшэдэй, зүжэгшэдэй дэмжэлгээр бүтээгдэһэн дүрэмни иимэ ехэ шан асарба. Монголой кино-уралиг мандаха болтогой! – гэжэ А.Баярцэцэг шангаа абахадаа хэлэһэн байна.
Энэ кино Т.Алтантуяа найруулжа, 2019 ондо олоной һонорто дурадхаһан юм. А.Баярцэцэгһээ гадна гол дүрэдэ Монголой Соёлой түрүү ажалтан С.Болд-Эрдэнэ наадаһан байна.
МОНЦАМЭ сайтһаа гэрэл зураг