643
Мүнөө энэ үедэ Буряад Уластамнай Сибириин ойгоргүй хүйтэн жабарай гэхэ гү, али богонёор хэлэбэл, үбэлэй хүйтэнэй буужа байгаашье һаань, зарим зон хамсыгаа шамаад, ажаллахаяа шамдана.
Ноябриин 12-то Улаан-Үдэдэ, Үндэһэтэнэй номой санда бүхыдөө түрэл буряад хэлэн дээрээ буулгагдахаяа байhан «Зуһалан» («Летник») гэжэ нэрэтэй уран зурагай фильмын бэлэдхэлэй презентаци харуулагдаба. Хүн зон үсөөхэн байбашье, юрэ тон буряад һэшхэлтэй, түрэл хэлэндээ ойгоргүй дуратай зон сугларжа, фильмын гол удхатай танилсаба.
Энэ фильмын хахад хубинь буулгагданхай, тиибэшье үшөө хороохо ба нэмэхэ хубинууд дүүрэн. Тиимэһээ «На берегу мечты» гэһэн кинозурагай автор, Буряадай залуу режиссёр Баяр Уладаевай хөөрэһэнэй ёһоор, энэ кинозурагта олон тоото гоё һайхан үндэһэн ёһо заншал болон ёһо гуримууд харуулагдаха, урданай тон һайхан удхатай арадай дуунууд ба аялганууд зэдэлхэ. Тус кинофильм дотор хүн түрэлтэнэй байгаалитаяа нягта холбоотой байһан тухайнь харуулагдаха ба нангин һүлдэмнай болохо Байгал далайтай болон дуран тухайшье хэһэгүүд оруулагдаха. Жэшээнь, эрэ ба эмэ хүнэй дуран, инаглал тухай, эхэ эсэгын ба үхибүүдэй харилсаануудай ушарнууд гаража ерэхэ. Мүнөө энэ үедэ бидэ Байгал далайн эрьеэр болон Эрхүү можоор олохон хубинуудые буулгахаяа түсэблэнхэйбди, - залуу режиссёр хөөрэнэ.
«Байгал далайнгаа 25 сая жэлэй туршада ажамидаран байхадань, эрье дээрэнь ажаһууһан арадууд тэрэниие гайхамшагта нуур амиды хүн шэнги гэжэ хамгаалжа ябаа, харин мүнөө үеын хүн түрэлтэн хадаа эрдэм номтой болоһондоо юм гү, али иимэ сэнтэй уһатай гэгээн нууртаа хайша хэрэгээр хандажа бузарлана, хорхой шумуулынь хюдана, тон сэнтэй загаһадыень хахуулидахаһаа гадна, элдэбээр аашалан хюданад», - гэжэ Буряадай залуу кинорежиссёр Баяр Уладаев иимэ залуухан аад лэ, һаншаг сагаан үһэтэй болоһон эрдэмтэн шэнгеэр бодомжолно.
Нээрээшье, буряад арад зомнай хадаа олон тоото арадуудаар нэгэдэн ажаһууһанайхии өөрынгөө дотор соохи аяг зангаа ба зориһондоо хүрэдэггүйгөө алдажа, түрэл хэлэнһээ эхилээд, нютаг нугаяа, байгаали болон ой тайгаяа хюдажа, оромоо алдаа гэжэ тобшолмоор.
- Баяр Найданович, Та хэнэй үгэһэн зөөрёэр гэхэ гү, али хэнэй хандиблаһан мүнгөөр эдэ уран һайханай кинозурагуудые буулганабта? .
- Мүнөө энэ үедэ түрэл буряад зон тухайгаа кино буулгаха ушартамни, гүрэн түрын ба арад зоной зүгһөө бага ехэгүй дэмжэлтэ үзүүлэгдэнэ. Хаа-яахан спонсорнууд бии боложо, хирэ-хирэ болоод лэ туһалһан болоно.
- Хайшан гээ һаа, арад зомнай Танай бодомжоор туһалхаар бэ? Ямар һэдэлгэ гэхэ гү, али ямар бэ даа, тааруу онол арга зохёохоор гэжэ һананат?
- Түрэл нютаг болохо Хэжэнгэдээ гэхэ гү, али аймаг дээрээ хирэ-хирэ болоод лэ, 2 мянган зондо 150 солхооб мүнгэнэй кинофильм буряад хэлэн дээрэ харуулжа байгаа болнай, арад зоноймнай ухаан бодолынь һэргэжэ гэхэ гү, али нэгэ хэды жэл болоод, өөрынгөө киноүйлэдбэритэй боложо боломоор, - гэжэ нютагай хүбүүн тон һонирхомоор харюу үгэжэрхибэ.
- Мүнөө энэ үедэ кино буулгаха ушартатнай хэд, юуд тон ехэ туһа хүргэхэ шадалтайгаа мэдүүлнэб?
- Эрхүү можын, Агын тойрогой болон Буряад Уласаймнай ехэ багагүй дарганар ба арад зон шадахыса, бүхы эриһэн юумээршни туһа хүргэхые оролдоно. Эдеэ хоолооршье, тон хэрэгтэй болодог гэр байрын урданай зэр зэмсэгүүдээршье болон мүнгэ зөөрииншье талаар доро дохин туһа хүргэхые шамдана. “Зарим зондо арга шадалаараа туһалыт даа!” – гэжэ хандахадашни, абяа аниргүйгөөр, хара бэеэ хараад лэ, саашаа болохые оролдоно, - гэжэ Уладай Баяр асуудалнуудтамни харюусаба.
«Путь народа» гэжэ кинозурагынь мүнгэгүйһөө боложо, буулгагдангүй байшоо, тиин «Хранители» гэжэ эмшэд тухай богонихон кинозурагынь баһал зогсошонхой.
Тиин мүнөө эдэ кинозурагуудынь гү, али мүнөө үедэ буулгагдажа байһан «Зуһалан» («Летник») гэжэ киногойнь «нара» харахын түлөө иимэ хаягаар мүнгэ зөөри оруулха шадалтай бол, туhалыт даа гэжэ уряалнаб:
Получатель: ЭРЖЭН НАЙДАНОВНА Ш. (Администратор киностудии "Уладай Баяр")
Номер карты: 5336690161611365
Номер счета: 40817810809160204551
Банк получателя: БУРЯТСКОЕ ОТДЕЛЕНИЕ N8601 ПАО СБЕРБАНК
БИК: 048142604
Корр. счет: 30101810400000000604
ИНН: 7707083893
КПП: 032302001
"Уладай Баяр" студиин дурадхаһан гэрэ зурагууд
Автор: Бато-Цырен ДУГАРОВ
