1439
Байгша оной декабриин 12-һоо 16 болотор Москвада хүүгэдэй элүүржүүлгын лагерьнүүдэй «Лига вожатых» гэһэн Бүхэроссиин урилдаанда Анна Матвеева уласаа түлөөлхэ.
Анна Матвеева мүрысөөнэй заочно шатада хабаадажа, видео-презентаци, отрядай ажалай түсэбүүдые эльгээһэн байна. Тиихэдэ хэр ажалаа мэдэнэб гэһэн тусхай шалгалта гараа юм.
Бүхыдөө мүрысөөндэ хабаадаха тухай Ородой Холбоото Уласай 83 можо нютагуудһаа 3000-һаа дээшэ мэдүүлгэнүүд ороһон байна гээд тэмдэглэлтэй. Түгэсхэлэй шатада 300 хабаадагшад хаба шадалаа туршахаяа шэлэгдэһэн байна.
Буряад Уласай спортын болон залуушуулай бодолгын талаар яаманай мэдээсэлэй албанай гэрэл зураг
