​​Буряад уласта «Эжыдээ бэшэг» гэһэн мүрысөөнэй дүнгүүд согсологдобо

Буряад уласай Сэлэнгэ аймагай ниигэмые хамгаалха таһаг «Эжыдээ бэшэг» гэһэн уласай мүрысөө эмхидхэһэн байна. Тус хэмжээ ябуулгада 9-дэхи-11-дэхи ангинуудай һурагшад хабаадаа. Сэлэнгэ, Зэдэ, Хяагта, Хурамхаан, Хэжэнгэ аймагуудай һурагшад мүрысөөндэ ажалнуудаа эльгээһэн байна. Жюриин гэшүүд 15 ажалтай танилсажа, дүнгүүдые согсолоо.

Түрүүшын һуури Хурумхаан аймагай 11-дэхи классай һурагша Саян Гармаев эзэлээ. Тэрэ Хурамхаан аймагай нэмэлтэ һуралсалай түбтэ ябадаг. Зэдэ аймагай Петропавловкын һургуулиин 10-дахи ангиин һурагша Валерия Осорова хоёрдохи һуурида хүртөө. Хэжэнгэ аймагай Хэжэнгын дунда һургуулиин 10-дахи классай һурагша Юлия Бороева гурбадахи һуури эзэлбэ.

Түрүүшын гурбан һуури эзэлһэн үхибүүдтэ грамота болон үнэтэ бэлэгүүд барюулагдаа. Бэшэ хабаадагшадта баярай бэшэгүүд барюулагдаһан байна.