​​Ойн баярай уулзалга

Илалта туйлаһан даамшад

Буряадай ниислэл Улаан-Үдэ хотын даам наадалгаар чемпионат мүнөө жэл 50-дахияа үнгэргэгдэбэ. Баяр ёһололой мүрысөөндэ Улаан-Үдынхид илалта туйлаа.

- Тус мүрысөөндэ спортын 4 мастерай хабаадаһаниинь һайшаалтай. Гадна Эрхүү хотоһоо айлшад ерээ, - гэжэ мүрысөөнэй ахамад шүүгшэ Владимир Талханов мэдүүлнэ.

Эрэшүүлэй дунда Улаан- Үдын Александр Урбаханов болон Эрхүү хотын Максим Овсянников гэгшэд адли очкотой мүрысөөгөө түгэсхөө. Энэ ушарта нэмэлтэ тоололгын болоһоной удаа Александр Урбаханов чемпион боложо тодороо.

Эхэнэрнүүдэй дунда Ринчима Бадмацыренова түрүүлжэ гараа. Тэрэ Загарай аймагай эгэшэ дүү Аяна болон Сарюна Гомбоевануудые хоёрдохи ба гурбадахи һууринуудта үлөөгөө.

50-дахи мүрысөөн түргэн наадалгаар түгэсөө. Эндэ Александр Халтагаров болон Ринчима Бадмацыренова гэгшэд нэгэдэхи һууринуудта гараа.

Владимир Талхановай гэрэл зураг