Главная / Новости /Культура / ​Буряадай «Үльгэр» театрай зүжэг Санкт-Петербургда харуулаа

​Буряадай «Үльгэр» театрай зүжэг Санкт-Петербургда харуулаа

17-12-2019

Санкт-Петербургын «Мастерская» театрай эмхидхэһэн «Школа. Студия. Мастерская» гэһэн театральна гурбадахи фестивальда Буряад уласай «Үльгэр» театрай «…и звали его Домино» гэһэн зүжэг харуулагдаа.

«Энэ нааданда хабаадаха тухай шиидхэбэри абажа ядаабди. Декабрь һарада бүхы театрнууд шэнэ жэлэй наадануудта бэлдэжэ байдаг, зүжэгшэдэй саг үни хубаарилагданхай байна ха юм. Харин эмхидхэгшэд бидэниие дэмжээжэ, бидэ эндэ хабаадаабди. Тэдэндэ ехэ баяр хүргэнэбди!», - гэжэ «Үльгэр» театрай захирал Баирма Дашидоржиева хэлэбэ.

«…и звали его Домино» гэһэн зүжэг харагшад халуунаар угтажа абаа. Тэдэнэр режиссёрнууд Яна Тумина, Александр Балсановые болон зүжэгшэдые зогсожо, нэрьемэ альга ташалгаар үдэшөө.  

"Үльгэр" театрай дурадхаһан гэрэл зураг


Теги: Буряад Улас Санкт-Петербург Ородой Холбоото Улас Баярма Дашидоржиева зүэжэг театрай фестиваль



Наши издания