Заһабарилагдаһанай удаа соёлой-амаралтын түб Яруунада шэнээр нээгдэбэ. Гадна шэб-шэнэхэн кинозалтай танилсалга болоо.
Буряадай Толгойлогшо Алексей Цыденов албанай хэрэгээр Ярууна ошоходоо, ажаһуугшадай хандалга хадуун абажа, соёлой ордонииетнай һэльбэн шэнэлхэбди гэжэ найдуулһан юм. Тиигэжэ тэрэнээ бодотоор хүсэлдүүлжэ шадаа бшуу. Аймагай засаг дарга Цыденжап Шагдаровай дуулгаһаар, Алас Дурнын тойрогой бүридэлдэ хараалагдадаг мүнгэн туһаламжын ашаар иимэ ехэ хэрэг бэелүүлэгдээ. 12 сая түхэриг хэмжээнэй ажал ябуулагдаа.
Кинодо дуратайшуулые мэдээжэ буряад найруулагша Солбон Лыгденов амаршалһан байна. Гадна “321-дэхи Сибириин” гэжэ кинодо хэрэглэһэн зурагуудаа дэлгээжэ, олоной һонирхол татаа.
Буряад Уласай Соёлой сайдай орлогшо Николай Емонаков буряадаар мэндэеэ хэлэжэ, нютагай зондо ехэтэ һайшаагдаа. Соёлой-амаралтын шэнэ түб нээһэнэй удаа сайдай орлогшо Комсомольский, Шэрэнгэ болон Гүүндэ һууринуудай соёлой байшануудтай танилсаһан байна.