​​Шан абажа шадаагүйдэнь шамарламаар

Светлана Нестерова

Уран зохёолшодто В. Арсентьевэй нэрэмжэтэ “Алас Дурна” гэжэ шан барюулгын ёһолол Москвада үнгэрөө. Ородой Холбоото Уласай Засагай газарай Түрүүлэгшын орлогшо - Алас Дурнын тойрогто Юрэнхылэгшын бүрин эрхэтэ түлөөлэгшэ Юрий Трутнев энэ шан үүсхэн байгуулһан юм. Тиимэһээ Москвада Алас Дурнын үдэрнүүдэй үнгэржэ байхада, олониитэдэ дүнгүүдыень соносхоо.

Россиин 17 можо нютагуудай уран зохёолшодой 193 бүтээл, хари гүрэнһөө 1 бүтээл урилдаанда дурадхагдаһан байна. Эдэ зохёолнуудай 79- иинь лэ жюриин сэгнэлтэдэ ороо. Харин тэдэнэй 30-иинь урилдаанай лонг-лист гээшэ­дэ орожо шадаа. Эндэ Буряа­даймнай мэдээжэ зохёолшо Светлана Нестеровагай “Бай­кальские сказки”, мүн Генна­дий Башкуевай “Чемодан из Хайлара” гэжэ нэрэтэй зохёол­нууд байһан аад, түгэсхэлэй шатада 9 эрхимүүдэй тоодо орожо шадаагүйнь харамтай. Тэдэ бултадаа DNS компа- ниин ноутбук бэлэгтэ хүртөө ха юм. Харин илагшадынь аяар 500 мянган түхэриг шан абаа бшуу.

nbrb.ru сайтһаа гэрэл зураг