861
Буряад уласай Баргажан, Кабанск аймагуудай түрэлхидэй харууһагүй үлэһэн үхибүүдтэ туһа хүргэдэг түбүүдэй болон гэр бүлэдэ, хүүгэдтэ туһа үзүүлдэг Сэлэнгын түбэй табан хүүгэд Москва хото шэнэ жэлэй угтамжын наадануудта хабаадахаяа ошобо. Тус хэмжээ ябуулга Ородой Холбоото Уласай Гэгээрэлгын яаман декабриин 24-27-ой үдэрнүүдтэ эмхидхэгдэнэ.
Гүрэнэй 85 можо нютагуудһаа гэртэхинэй харууһагүй үлэһэн, үншэн үхибүүд ёлкын дэргэдэхи наадануудта хабаадаха. Һайн һурадаг, конкурс, тамирай урилдаануудта түрүүлһэн 802 үхибүүд баярай хэмжээ ябуулгада оролсохо.
Үхибүүд Москва хотоор ябажа, «Океанариум» хүрэхэ, Олимпиин наадануудай чемпионууд Татьяна Навка, Алина Загитоваболон бусадай хабаадалгатай «Спящая красавица» гэһэн шоу хараха юм.
Буряад Уласай ниигэмэй хамгаалгын яаманай сайтһаа гэрэл зураг абтаба
