​​Арадтаа хабаатай асуудалтай аад...

Уласай Юрэнхылэгшэ Владимир Путин сурбалжалагшадтай ээлжээтэ уулзалгаяа үнгэргөө гээд мэдэнэбди. Тэндэ Буряадһаа АТВ гэдэг нэбтэрүүлгын ахамад нягта­лагша Александр Иванчиков, мүн БГТРК – гай буряад дамжуулгануудые хүтэлэгшэ Бальжинима ДАМБАЕВ гэгшэд хабаадалсаа.

- Анхарал татуулха гэжэ үндэһэн буряад дэгэлээ үмдэжэ ошооб. Юрэнхылэгшын мэдээсэлэй алба­най хүтэлэгшэ Дмитрий Песковой хамар доронь һуури эзэлбэшье, үгэ абажа, һанаһан асуудалаа таби­жа шадаагүйб, - гээд Бальжинима хэлэнэ.

Уласай ниислэл Москва ниидэхэһээ урид Бльжинима суг хүдэлдэг нүхэдтэеэ хэлсэжэ, бодолдонь ороһон асуудалнуудай хоёрыень шэлээд ошоһон байна. Нэгэдэхи асуудал гэхэдэ, Хитад орон руу татагдажа байһан хии түлишын сорго Буряад нютагай дэбисхэр дээгүүр гаража, ажабайдалыемнай һайжаруулхаһаа гадна, байгаалида харша нүлөө багаар оруулха тухай байгаа. Уласай дэбисхэр дээрэ ажаһуугаа бага арадуудай хэлэн хосоржо байһыень буряад хэлэнэй жэшээ дээрэ мэдүүлэн, анхаралаа хандуулхыень уряалха тухай хоёрдохи асуудал бэлдээд һуугаа.

- Асуудалаа табижа шадаашьегүй һаа, голхороогүйб. Уласай хэдэн арбаад нэбтэрүүлгэ, сониной сурбал­жалагшад минии һанаа зобооһон асуудалыем һуража абан сасуу тэрэл үдэртөө сэнхир дэлгэсэдээ харуу­лаа. Тиигэжэ уласаймнай олон тоото арад зон Буряадай бэрхэшээлнүүдые мэдэжэ абаа. Тиимэһээ Юрэнхылэг­шын шэхэндэ, нюдэндэ хүрэхэ гэжэ найданаб, - гээд Бальжинима Дамбаев тэмдэглэнэ. 

Бальжинима Дамбаевай дурадхаһан гэрэл зураг