775
Юрий Трутнев Ородой Холбоото Уласай Засагай газарай Түрүүлэгшын орлогшо - Юрэнхылэгшын Алас Дурнын федеральна тойрогто бүрин эрхэтэ түлөөлэгшын тушаалда үлэбэ.
Юрий Трутневэй энэ тушаалда томилогдоһон сагһаа хойшо Алас Дурнын тойрогто ехэ ажал хэгдээ. Буряад Улас болон Үбэр Байгалай хизаар Алас Дурнын федеральна тойрогто оруулагдаа. Тиигэжэ “Алас Дурнын гектар” гэһэн түсэл бэелүүлэгдэжэ эхилээ, Алас Дурнын хүгжэлтын Үндэһэтэнэй программа байгуулагдаа.
Ниигэмэй һалбарида анхарал хандуулагдажа, «федеральна тэдхэмжэ» түлэгдэнэ. Хүүгэдэй сэсэрлиг, һургуули, стадион, тамирай комплекснүүд, больница, поликлиникануудые барилгада федеральна бюджетһээ 94,3 миллиард түхэриг һомологдоно. Тиихэдэ жэлэй 2%-ын “Алас Дурнын ипотекэ” залуу гэр бүлэнүүд абаха аргатай болоо.
2019 онһоо хойшо Юрий Трутнев Ородой Холбоото Уласай Арктикын хүгжэлтэын түлөө харюусана. Байгша гарагай долооной һүүл багта Юрий Трутнев Алас Дурнын тойрогой можо нютагуудай, Зүүн зүгэй хүгжэлтын яаманай хүтэлбэрилэгшэдтэй уулзажа, дүнгүүдые хэлсэжэ, бэелүүлхэ түсэбүүдые табиха юм.
Буряад Уласай Засагай газарай мэдээсэлэй албанай гэрэл зураг
