Буряад уласай Ярууна аймагай ажахынуудта үбэлжэлгэ яһала һайн үнгэргэгдэжэ байна. Толгой малда 10-15 центнер тэжээл бэлдэгдэнхэй. Ярууна аймагай захиргаанай хүтэлбэрилэгшын хүдөө ажахы болон газар дэбисхэрэй хүгжэлтын орлогшо Абида Жамсуевай хэлэһээр, байгша ондо аймагай ажахынууд яһала һайн ондо оробобди.
- Мал ажахынууд һайн үбэлжэжэ байна. Үбһэ тэжээл хүрэхөөр бэлдэгдэнхэй. Урда жэлһээ 20-30% тэжээл үшөө үлэһэн байгаа, - гэжэ тэрэ тэмдэглэнэ.
Буряад Уласай Ярууна аймагай ажахынуудта 32 мянган толгой бодо мал, 20 мянган хонин, 8 мянган адуун үбэлжэнэ. Үбэлэй тон хүйтэн хаһа дабагдаа, үбһэ тэжээл хүрэхөөр бэлдэгдэнхэй гэжэ Ярууна аймагайхид саашанхи түсэбүүдээ бэелүүлхээр бэлэн.
Анна Огороднигой гэрэл зураг