1174
Буряад Уласай Арадай Хуралай Эдэй засагай бодолгын,байгаалиин нөөсэнүүдые ашаглалгын болон оршон тойронхиие хамгаалгын талаар хороон алабанай хэрэгээр мүнөөдэр, февралиин 4-дэ, Ярууна аймаг гараба. Һунгамалнууд аймаг дотор ашагта малтамалнуудые олзоборилгын байдалтай болон хүгжөөхэ холын хараата түсэбүүдтэй танилсаха зорилготой юм.
Тэдэнэр 1,6 сая тонно флюоридай нөөсэтэй Эгэтын уурхайда «Друза» бүлгэмэй баригдажа байһан объектнүүде хараа. Түсэл бэелүүлгэдэ энэ эмхи 600 саяһаа дээшэ мүнгэ һомолһон байна. Тиихэдэ энэ комбинат 2021 ондо хүсэд дүүрэн хүдэлжэ эхилхээр хараалагдана. 600-һаа дээшэ ажалай һуури байгуулагдаха юм.
Удань һунгамалнууд Нарһата һууринда ажалай зүблөө үнгэргэжэ, Ярууна аймагай дэбисхэртэ бог шорой суглуулха, усадхаха асуудалаар хэлсэхэ. Суглаанда «ЭкоАльянс» бүлгэмэй түлөөлэгшэд, һомонуудай хүтэлбэрилэгшэд хабаадаха.
Тиихэдэ Арадай Хуралай түлөөлэгшэд «Озерная горнорудная компаниин» олзоболрилдог уурхайда, уран олзоборилдог «Хиагда» бүлгэмдэ хүрэхэ юм.
Буряад Уласай Арадай Хуралай мэдээсэлэй албанай гэрэл зураг
