1104
Ородой Холбоото Уласай Үйлэдбэриин болон худалдаа наймаанай яаман болон Техическэ гуримшуулгын болон метрологиин федеральна агентствэтэй хамта Ородой Холбоото Уласай Засагай газарай дэмжэлгээр хэмжээ ябуулга эмхидхэнэ.
Шэнэ оньһо нэбтэрүүлгын «метролЭКСПО-2020» хуралдаанда Ород болон хари гүрэнүүдтэ зохёогдоһон мүнөө үеын тоног хэрэгсэлнүүд, хэмжэдэг техникэ олоор дэлгэгдэхэ. Тиихэдэ хуралдаанай хэмжээндэ дүхэриг шэрээнүүд, дискуссинууд эмхидхэгдэхэ юм.
Уласхоорондын хэмжээ ябуулгада Ородой Холбоото Уласай болон хүршэ гүрэнүүдэй эрдэмтэд, хэмжэдэг техникэ үйлэдбэрилджэг, хэрэглэдэг эмхи зургаанууд хабаадаха.
- Үзэсхэлэн болон хуралдаан хадаа Ород гүрэн болон СНГ-н гүрэнүүдэй приборостроени болон метрологиин һалбаринуудай шухала үйлэ хэрэгүүд болоно. Заншалта ёһоор, энэ хэмжээ ябуулгада Росстандартын можо нютагуудай түбүүд, тэрэ тоодо Буряадай ЦСМ оролсодог. Үзэсхэлэндэ уласаймнай эмхинүүд үйлэдбэриеэ дэлгэдэг, - гэжэ Росстандартын ЦСМ-эй Буряадтахи таһагай захиралай орлогшо Евгений Челночков хэлэбэ.
«МетролЭКСПО-2020» гэһэн уласхоорондын хэмжээ ябуулгада хабаадаха гэбэл, байгша оной мартын 1 болотор мэдүүлгэ оруулха хэрэгтэй.
