616
Бабантын аймаг хадаа Буряад Улас дотор эгээл ута дэбисхэрнүүдэй нэгэн юм. Тэрэ Буряадай ниислэл хото Улаан-Үдэһөө 600 модоной зайда оршодог.
Романовка һууринда амбулатори зургаан жэлэй саана түймэртэ абтажа, ажаһуугшадта САНПиНай эрилтэнүүдтэ таарадагүй таһагта эмнэлгын туһа хүргэгдэдэг һэн. Ондо ондоо мэргэжэлэй эмшэдтэ хандахын тула ажаһуугшад аймагай түб ошохо баатай гү, али эмшэдэй ерэхыень хүлеэдэг һэн.
Мүнөө нээгдэһэн шэнэ амбулаторидо үхибүүдые, томо зониие ами амяарнь эмнэхэ таһагууд, һэргылэмжын кабинет, клиническэ болон биохимическэ лабораторинууд баригданхай. Романовка һууринда шэнэ амбулатори барилгада Алас Дурнын можо нютагуудта Юрэнхылэгшын тэдхэмжын хэмжээндэ 42 сая түхэриг һомологдоо.
Романовкын амбулаторидо 1243 ажаһуугшад болон «Хиагдинское» уурха йн 600 хүдэлмэрилэгшэдтэ эмнэлгын туһа хүргэгдэдэг юм.
Буряад Уласта ниигэмэй һалбари хүгжөөхэ талаар федеральна болон уласай программанууд бэелүүлэгдэнэ. 2019 ондо улас дотор дүрбэн ФАП болон хоёр амбулатори нээгдээ, зургаан обьектдэ ехэ заһабарилга хэгдээ
Буряад Уласай элүүрые хамгаалгын яаманай мэдээсэлэй албанай гэрэл зураг
