738
Ородой Холбоото Уласай Гүрэнэй Дүүмэдэ түрүүшын үхибүүтэй болоһон гэр бүлэнүүдтэ эхын капитал түлэхэ тухай хуули абажа, хоёрдохи үхибүүтэй болоһон гэр бүлэнүүдтэ эхын капиталай хэмжээн дээшэлүүлэгдэбэ. Эдэ хубилалтанууд 2020 оной январиин 1-һээ үхибүүтэй болоһон гэр бүлэнүүдтэ хабаатай.
- Энэ хадаа Ородой Холбоото Уласай Юрэнхылэгшын захил-хандалга бэелүүлхэ талаар шухала үүсхэлнүүдэй нэгэн болоно. Түрүүшын үхибүүтэй болоһон гэр бүлэнүүд гүрэнһөө 466 617 түхэригтэ хүртэхэ. Хоёрдохи үхибүүтэй болоһон гэр бүлэнүүдтэ эхын капитал 150 мянгаар дээшэлүүлэгдэжэ, 616617 түхэриг түлэгдэхэ. Тиихэдэ үнэмшэлгэ барюулха ба мүнгэ түлэхэ болзор богони болгообди, - гэжэ Гүрэнэй Дүүмын спикер Вячеслав Володин тодорхойлбо.
Тиихэдэ эдэ хубилалтанууд эсэгэнүүдтэ хабаатай болоо.
- Хубилалтануудай аргаар залуу гэр бүлэнүүд дэмжэлгэ үзүүлэгдэхэ. Тиихэдэ энэ хуулиин ёһоор эхын капиталай программа 2026 он болотор бэелүүлэгдэхэ, - гэжэ Буряад Уласай ниигэмэй хамгаалгын сайд Татьяна Быкова тэмдэглэбэ.
