​​Эсэгэ ороноо хамгаалгын Агууехэ дайнай үедэ Буряадай госпитальнуудта 16 мянганһаа дээшэ операци хэгдээ

Буряад Уласай эвакогоспитальнуудта хүдэлдэг эмшэд дайнда шархатаһан хүнүүдые эмшэлхэ талаар шэнэ аргануудые бэдэржэ, тэдэнээ хэрэглэдэг һэн. Тиихэдэ шэнэ онол аргануудые ахалагша хирург Э.Р. Раднаев, хирург В.К. Белоусов, нюдэнэй эмшэн Е.М. Никифорова урагшатай хэрэглэһэн байна.

Буряад Уласта госпитальнуудые байгуулһан сагһаа хойшо 1945 оной май һара болотор хирургическа туһа хүргэхэ, протез тааруулха талаар дайнда шархатаһан 30968 сэрэгшэдтэ эмнэлгын туһа хүргэгдөө. Һайн шанартай эмнэлгын туһа хүргэһэнэй ашаар 9532 (35,2%) хүн сэрэгүүдтээ бусаа, эрэмдэг бэетэй гэһэн бүридхэлһөө 16026 (51,1%) хүн гараа. 114 (0,4%) хүн наһа бараһан байна.

Буряад Уласай Элүүрые хамгаалгын яаманай мэдээсэлэй албанай гэрэл зураг