869
Буряадай Кабанск аймагай «Рубин» ажахыда үбэлдөө үнеэнһээ үдэрэй 14 литр һү һаана. Энэ ажахыда хара эреэн һүнэй үүлтэрэй 300-һаа дээшэ һаамхай үнеэд тоологдоно.
Энэ ажахыда малаа һайнаар хараһанай ашаар, иимэ амжалта туйлагдаа гэжэ «Байкальские огни» сонин мэдээсэнэ. Малдаа һайн шанартай үбһэ тэжээл витаминтай холижо эдюулнэ гээд тэмдэглэлтэй. Тиигэжэ үбэлэй янгинама хүйтэндэшье зарим үнеэдһээ үдэрэй хори литрһээ дээшэ һаана.
Буряад уласай хүдөө ажахын болон эдеэ хоолой яаманай мэдээсэлэй албанай гэрэл зураг
