898
Ородой Холбоото Уласай Засагай газарай Түрүүлэгшын орлогшо – Ородой Холбоото Уласай Юрэнхылэгшын Алас Дурнын федеральна тойрогто бүрин эрхэтэ түлөөлэгшэ Юрий Трутнев Улаан-Үдэдэ «2020 оной түймрэй аюултай хаһада Буряад Улас болон Үбэр Байгалай хизаарта бэлэдхэл тухай» гэһэн зүблөө үнгэргэһэн байна.Тус хэмжээ ябуулгада Буряад Уласай Толгойлогшо Алексей Цыденов, Үбэр Байгалай хизаарай амбан захирагша Александр Осипов, Рослесхозой хүтэлбэрилэгшын орлогшо Михаил Клинов, Ородой Холбоото Уласай Онсо байдалай талаар яаманай Буряадтахи таһагай гол хүтэлбэриин дарга Александр Марков, Ородой Холбоото Уласай Онсо байдалай талаар яаманай Үбэр Байгалай хизаартахи й таһагай гол хүтэлбэриин даргын уялга дүүргэгшэ Алексей Шишин, прокуратурын, федеральна болон можо нютагуудай засаг зургаанай түлөөлэгшэд хабаадаа.
Суглаанай эхиндэ Юрий Трутнев 2019 оной түймэрэй аюултай хаһа Алас Дурнын федеральна тойрогой бүхы дэбисхэртэ ехэ орёо байга гэжэ тэмдэглэбэ. Буряад уласай дэбисхэртэ 226,7 мянган гектарһаа ех талмайда ойн 598 түймэр гараһан байна. Хүршэ Үбэр Байгалай хизаарта 575,3 мянган гектарһаа ехэ талмайда 994 түймэр соробхилоо. Ойн түймэрэй гараһан шалтагаан гэхэдэ, ехэнхидээ хүнүүд гэмтэй.
Түймэрэй аюултай хаһада бэлэдхэлэй талаар Үбэр Байгалай хизаарай амбан захирагша Александр Осипов болон Буряад Уласай Толгойлогшо Алексей Цыденов элидхэбэ. Можо нютагуудай хүтэлбэрилэгшэд үбэлэй туршада хэгдэһэн бэлдхэлэй талаар тоосожо, шиидхэхэ асуудалнууд тухай хэлэһэн байна.
Үбэр Байгалай хизаарай амбан захирагша түймэр сарагшад хэр зэргэ техникээр хангагданхай гэжэ дуулгаа. 2019 ондо хүршэ можодо түймэр сарлалгын 80 техникэ шэглүүлһэн байна. Суглаанай дүнгүүдээр, Юрий трутнев Рослесхоздо богони болзорто түймэр саралгын техникын тоо олоүоруулжа, мүнгэ һомололгын талаар хубилгаха тухай даалгаба.
Алексей Цыденов 2020 ондо түймэр саралгын түсэбтэй танилсуулаа. Энэ түсэб Рослесхоздо хэлсэгдэһэн байна.
Суглаанай дүнгүүдээр, вице-премьер федеравльна болон можо нютагуудай засаг зургаануудта Үбэр Байгалай хизаарай болон Буряад уласта түймэрэй аюулгүй байдал сахиха талаар хиналта улас шангадаха гэжэ даалгаба.
ЭНЭ СЭДЭЭБЭЭР УНШАГТЫ:
Буряад уласай эдэй засагай һалбарида мүнгэ хүрэнгэ оруулагшадтай Юрий Трутнев уулзаба
Юрий Трутнев про Тункинский национальный парк: «Люди не должны страдать!»
Юрий Трутнев вручил юбилейные медали ветеранам и труженикам тыла Бурятии
Юрий Трутнев албанай хэрэгээр – Буряад Уласта
Юрий Трутнев прибыл с рабочим визитом в Бурятию
