​Буряад Уластамнай коронавирусаар үбшэлһэн 153 хүн бүридхэгдэбэ

Апрелиин 21-эй байдалаар Буряад Уластамнай коронавирусаар үбшэлһэн 153 хүн бүридхэгдэбэ. Урда үдэрынь 125 хүн байһан аад, аяар 28 үбшэнтэн гансата нэмэгдэшөө бшуу.

- Эдэ зоной 23-иинь Ямалай тойрогто ажаллажа байһанаа гэртээ бусаа. Харин 5 хүниинь эндээ халдаа, - гээд, оперштабһаа дуулгана. 

COVID-19 манай Буряадта таража эхилһэнһээ хойшо 43 хүн үбшэлөөд, эмнэлгын газарта арга абаһанай удаа эдэгээд, гэртээ хариһан байха юм. Харин 2 наһажаал хүн наһа бараа. Халдабарита үбшэнгүүдые аргалдаг эмнэлгын газарта 85 хүн эмшэлүүлэгдэжэ байна, тэдэнэй 12-ынь хүүгэд юм. Наһаа хүсөөдүй нэгэ хүн энэ тахал үбшэниие диилэжэ гараа - эдэгээ. Харин Ямал хахад олтирогһоо ерэһэн 23 хүн обсерватор соо тусгаарлагданхай. Мүнөөдөө тэдэниие эмнэлгын газарта хэбтүүлхэ гэжэ ажал хэгдэжэ байна. Коронавирусаар үбшэлһэн зонтой харилсаһан хүнүүдэй тоо 1263 гээд тоологдоно, булта шалгалта гаранхайнууд.