1059
Москва хотодо майн 9-эй бэлэдхэл хэгдэнэ. Байгша ондо заншалта Улаан талмай дээрэхи жагсаал болохогүйшье һаань, Ородой Холбоото Уласай Зэбсэгтэ хүсэнүүдэй агаарай бүлэгүүд һайндэрэй үзэмжэ дурадхаха.
Тэрээндэ 70 гаран дайшалхы самолёт ба вертолёдууд, тэрэ тоодо МиГ-31К болон шэнэ үеын Су-57 хабаадана. Тэдээнһээ гадна Су-24 ба Су-34 гэһэн бомбардировщигууд, Ми26, Ми -8, Ка-52 ба Ми-35 вертолёдууд, дайшалхытээбэриин хүндэ түхэлэй Ил76 тус үзэмжэдэнь оролсоно. Эсэгэ ороноо хамгаалгын дайнда Илалтын туйлагдаһаар 75 жэлэй ойдо зорюулагдаһан агаарай жагсаалнууд 32 хотодо эмхидхэгдэхэ. Апрелиин 28-да Владимир Путин арад зондо хандахадаа, коронавирустай холбоотой эрхэ байдалай хүсэд тогтонижоһон хойно «Хэтын жагсаал» болон бусадшье заншалта хэмжээнүүд заатагүй үнгэргэгдэхэ гэжэ найдуулаа. Гадна Танигдаагүй сэрэгшын хүүртэ баглаа үргэһэнэй һүүлдэ Юрэнхылэгшэ гүрэнэйнгөө эрхэтэдтэ амаршалгаяа дамжуулха юм ха. РБК сайтда толилогдоһон мэдээсэлэй ёһоор, Илалтын парад ерэхэ намар, тодорхойлходо, сентябриин 3-да, Дэлхэйн 2-дугаар дайнай дүүрэһэн үдэр эмхидхэгдэхэ тухай һураг бии.
Анна Огороднигой гэрэл зураг
