​Хоолой ниилүүлэн дуулая!

Бултанай дура буляаһан «Илалтын үдэр» гэһэн ород дуу газаа гарангүй, сонхоороо хангюурдаха тухай дурадхал Ородой Соёлой яаман оруулаа. Энэ түсэлдэ Буряадай мэдээжэ зүжэгшэд, дуушад оролсоно. 

Гүрэнэй дуу, хатарай «Байгал» театрай артистнууд эгээл олоор дуу хангюурдаһанаа социальна сүлжээндэ табяад байнхай. Һонирхолтой гэхэдэ, хүгжэмыень арадай зэбсэгүүд дээрэ гаргана. 

Уржадэр Буряадай габьяата зүжэгшэн, дуушан Мэдэгма Доржиева балкон дээрэһээнь энэ дуу гүйсэдхөө. Өөрөө синтезатор дээрэ наадан, тэрэ дуулаа. Фейсбугта «Дацан Сангха» гэһэн бүлгэмдэ «Эхэ хэлэн-манай баялиг» урилдаанда хабаадажа, «Илалтын үдэр» гэжэ дуу хангюурдаһан үхибүүдэй видео олоор табигдаад байна. 

Майн 9-эй үдэшэ дуулажа шадахашье, шадахагүйшье хүнүүд сонхоороо хаража, балкон дээрэ гаража, «Илалтын үдэр» дууе нэгэ амяар дуулаха дурадхал баһа оруулагдаа. Буряадай Толгойлогшо энээниие дэмжэһэнээ мэдүүлээ.

minkultrb.cru