Илалтын ехэ һайндэр

Үргэн ехэ Буряад ороноймнай аймаг бүхэнэй нютаг нуга­нуудаар хүндэтэ аха захата­наа хүндэлэлгын, амаршалгын үйлэ хэрэгүүд эмхидхэгдэнэ. Һургуули һударнуудаар тусхай хэшээлнүүд болоно, үхибүүд дайнай үеын шүлэгүүдые, дуунуудые сээжэлдэ­нэ. Харин гол хэмжээ ябуулганууд майн 9-дэ болохо. Тодорхойлбол, ниислэл Улаан-Үдэ хотымнай зүрхэн талмай дээрэ заншалта ёһоор һүр жабхалантай парад 10 сагһаа эхил­хэ. Соведүүдэй талмайгаар жэб жэгдэ колоннонуудаар олон тоото сэрэгшэд, һүрөөтэй машина, танк­нууд болон бусад техникэ ябуулаг­даха. Тиигэжэ 11 сагһаа “Хэтын жаг­саал” гэһэн хэмжээн онлайн аргаар эхилхэ байна. Улаан-Үдэ хотымнай бусад районуудай парк, талмайнуу- даар һайндэрэй тоглолтонууд эм­хидхэгдэхэ. Жэшээнь, “Юбилейный” паркда “Май! Хабар! Илалта!” гэһэн тоглолто 17:00 сагһаа эхилхэ. Энэл үедэ амаралтын “Кристальный”, Д.Ж. Жанаевай нэрэмжэтэ паркнуудта концертнүүд болохо. Хүндэтэ вете­рануудай ажаһуудаг гэрнүүдэй гу­дамжануудаар артистнууд концерт- наада табиха. «Дурасхаалай вахта», «Сэрэгшэндэ бэшэг», «Илалтын сон­хо» болон бусад бүхэроссиин хэмжээ ябуулганууд үнгэргэгдэхэ.

Үри хүүгэдэйнгээ, аша зээнэ­рэйнгээ амгалан һайхан байдалда ажаһуухын тула совет сэрэгшэд Агуу- ехэ Илалта туйлаа. Хүндэтэ ветера­нуудта энхэ элүүрые, зол жаргалые хүсэнэбди.