726
Апрелиин 29, гарагай 2, буряад-монгол литээр 21
21-дэ үрэһэ тарихада, засаг зургаанай эрхэ мэдэлэй хэрэгүүдые ябуулхада һайн. Халуун уһанда орохогүй.
Амгалан тайбанай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ һайн.
«Айлшанай» үүдэн нээгдэнэ: айлшадые урихагүй.
Энэ үдэр харгыда гарахада, урда зүг руу муу, бэшэ зүгүүд руу һайн.
Нохой жэлтэндэ һанаһанаа бүтээхэдэ, урагшатай гараг; хонин жэлтэнэй буянай үдэр.
Үһэеэ абхуулхада – халдабарита үбшэндэ.
Апрелиин 30, гарагай 3, буряад-монгол литээр 22
22-то эрдэм номдо һурахада, зурхай шудалхада, урлалай аргануудта һурахада һайн.
Амгалан тайбанай, баялигай хэшэг даллага абахада, хулгана, луу, бишэн жэлтэй хүнүүдтэ хии мориёо хиидхэхэдэ, һайн үдэр.
«Наймаанай» үүдэн нээгдэнэ: олзын хэрэг эрхилхэгүй.
Энэ үдэр харгыда гарахада муу, илангаяа баруун зүг руу.
Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.
Үһэеэ абхуулхада – эдеэн элбэгжэхэ, гэбэшье үбшэн хүрэжэ болохо.
Майн 1, гарагай 4, буряад-монгол литээр 23
23-да хотодо хэрэг бүтээхэдэ һайн. Амгалан тайбанай, адуу мориной хэшэг даллага абахада, тахяа, үхэр, могой жэлтэй хүнүүдтэ хии мориёо хиидхэхэдэ һайн.
«Хүбүүнэй» үүдэн нээгдэнэ: хүүгэдэй шухала хэрэг бүтээхэгүй, түрэһэн үдэрыень тэмдэглэхэгүй, гэрһээ холо эльгээхэгүй.
Энэ үдэр харгыда гарахада, баруун зүг руу муу; бэшэ тээшэ зүглэхэдэ һайн.
Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.
Үһэеэ абхуулхада – баялигта.
Майн 2, гарагай 5, буряад-монгол литээр 24
Амгалан тайбанай, илангаяа хүүгэдэй даллага абахада; тахяа, үхэр, могой жэлтэй хүнүүдтэ хии мориёо хиидхэхэдэ һайн.
«Сэрэгэй» үүдэн нээгдэнэ: сэрэг хүдэлгэхэгүй, заргалдахагүй.
Энэ үдэр харгыда гарахада, зүүн зүг руу муу; бэшэ зүгүүд руу һайн.
Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.
Үһэеэ абхуулхада – үбшэндэ.
Майн 3, гарагай 6, буряад-монгол литээр 25
Хандамаанарай дүйсэн үдэр. 25-да үрэһэ тарихада, наһа барагшые хүдөөлхэдэ, андалдаа, наймаа хэхэдэ һайн.
Амгалан тайбанай, хониной хэшэг даллага абахада һайн.
«Түрэлнүүдэй» үүдэн нээгдэнэ: түрэл гаралнуудтаяа найрлахагүй.
Энэ үдэр харгыда гарахада, зүүн зүг руу муу; бэшэ тээшэ зүглэхэдэ һайн. Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.
Үһэеэ абхуулхада – нюдэнэй даралта ехэдэхэ.
Майн 4, гарагай 7, буряад-монгол литээр 26
26-да айраг тараг бэрихэдэ, газар хахалхада һайн. Адуу мал худалдахагүй, аралжаа наймаа ябуулхагүй.
Амгалан тайбанай, ургаса таряанай даллага абахада; бар, морин, нохой жэлтэй хүнүүдтэ хии мориёо хиидхэхэдэ һайн.
«Хэрэмэй» үүдэн нээгдэнэ: гэрэй һуури татахагүй, гэр байра заһабарилхагүй, зөөлгэхэгүй.
Энэ үдэр «морин үхэхэ, эмээл хухарха» ушарһаа харгыда гарахада муу, илангаяа зүүн зүг руу.
Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха хэрэгтэй.
Үһэеэ абхуулхада – аза талаанда.
Майн 5, гарагай 1, буряад-монгол литээр 27
27-до наһа барагшые хүдөөлхэдэ, айраг тараг бэрихэдэ һайн.
Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн.
«Бэриин» үүдэн нээгдэнэ: бэриин хэрэгүүдые үйлэдэхэгүй.
Энэ үдэр харгыда гарахада, урда зүг руу муу; бэшэ зүгүүд руу - гэмгүй.
Луу жэлтэнэй урагшатай, һайн гараг.
Үһэеэ абхуулхада – жаргалда.
Зурхай Жаргал лама ДУГДАНОВ бэлдэбэ
Фото: Анна Огородник
