949
Барилдаанай уласхоорондын эмхиин сэгнэлтээр, Ирина Ологонова эхэнэрнүүдэй дунда дэлхэйн тамиршадай хоорондо хоёрдохи һуури эзэлнэ.
Тодорхойлбол, 55 килограмм хүрэтэр шэгнүүртэ Япон гүрэнэй барилдааша Маю Мукайда нэгэдэхи һуурида тоологдоно. Ушар юуб гэхэдэ, 2016 оной декабрь һарада Венгриин Будапешт хотодо эхэнэрнүүдэй барилдаагаар дэлхэйн мүрысөөндэ Маю Мукайда Ирина Ологоноватай тэмсэхэдээ, 10-0 тоотойгоор манай барилдааша басагые илаһан байна. Энэ мүрысөөнэй эхиндэ Буряадай тамиршан Ирина Ологонова хүлөө гэмтэһэн байгаа гэжэ хэлэлтэй.
Дарима ДОНДОКОВА, “Буряад үнэн” мэдээсэлэй агентство
Фото "Борцы Бурятии"
