1026
«Буряад Уласай дэбисхэртэ архи болон архиин зүйлнүүдые худалдаха талаар хуулиин гуримшуулгын хэдэн асуудал тухай» гэһэн Буряад Уласай хуулиин түсэлдэ хубилалтануудые оруулха тухай һунгамалнууд мүнөөдэрэй сессидэ дэмжэбэ. «Һүүлшын хонхо», «Сурхарбаан» гэһэн хэмжээ ябуулгануудай үнгэргэгдэхэ болзор тухай олзын хэрэг эрхилэгшэдтэ эртээнһээ дуулгаха. Эдэ үдэрнүүдтэ архи болон архиин зүйлнүүдые худалдаха хорюултай гэжэ һануулнабди.
- Архи худалдаха хорюул тухай олзын хэрэг эрхилэгшэдтэ хожомдожо дуулгаһан ушарһаа, тэдэндэ яла тохогдоно. Хуулиин түсэлдэ оруулагдаһан хубилалтануудай ашаар, дүрим эбдэхэ ушар бага болохо, - гэжэ Буряад Уласай Арадай Хуралай Газарай асуудалнуудай, аграрна бодолгын болон эд хэрэглэлгын дэлгүүрэй талаар хорооной түрүүлэгшэ Петр Носков тэмдэглэбэ.
Анна Огороднигой гэрэл зураг
