​Буряад Уласта коронавирусаар үбшэлhэн зоной тоо 92 болобо

Буряадай Элүүрые хамгаалгын яаманай үгэһэн мэдээгээр апрелиин 14-эй байдалаар манай уласта коронавирус үбшэндэ халдаһан зоной тоо 92 болобо. Гэхэтэй хамта 22 хүн эдэгэжэ, эмнэлгын газарһаа гэртээ табигдаа, 1 хүн наһанһаа нүгшөө. Мүнөө дээрээ бүхыдөө 69 хүн эмнэлгэ абажа байна, харин 8 хүн шуһанайнгаа шалгалтын дүнгүүдые хүлеэжэ байнхай. Коронавирус халдаһан зонтой харилсаһан хүнүүдэй дүхэригтэ 2700-гаад хүн бүридхэгдэнэ. 

Халдабарита үбшэнгүүдые аргалдаг эмнэлгын газарта 103 хүн хэбтэнэ гээд тоологдоно. Тэдэнэй 69 үбшэнтэн лаб СOVID-19 халданхай, эдэнэй 12-ынь хүүгэд болоно. Уушханай хадхаляада хүртөөд, 30 хүн гэртээ бэеэ эмшэлжэ байна. Хүндэ байдалда 7 хүн оронхой, нэгэ хүн тусхай хэрэгсэлэй туһаар амилна. Халууржа, ханяажа эхилбэл, түргэн туһаламжада гү, али элүүрые хамгаалгын 8-3012-379532 гэһэн халуун утаһанда хонходоходо болоно. Коронавирусһаа һэргылхэ гол арга – гэрһээ гарангүй, хүнтэй харилсангүй байха.