453
Ородой Холбоото Уласай Засагай газарай Түрүүлэгшын орлогшо – Ородой Холбоото Уласай Юрэнхылэгшын бүрин эрхэтэ түлөөлэгшэ Юрий Трутнев видео-конференц-холбоогоор Алас Дурнын федеральна тойрогой Зүблэлэй суглаа үнгэргэбэ. Суглаанай шухала асуудалнуудай нэгэн коронавирусна үбшэ дэлгэрхэгүй талаар болоhон байна.
Алас Дурнын тойрогто санитарна-эпидемиологическа байдал хинаха талаар Ородой Холбоото Уласай Юрэнхылэгшэ Владимир Путинай даалгабаринуудые бэелүүлхэ хэрэгтэй гэжэ Юрий Трутнев можо нютагуудай хүтэлбэрилэгшэдэй анхарал хандуулаа. Тодорхойлhон даалгабаринууд Алас Дурна тойрогой можо нютагуудай хүтэлбэрилэшэдтэ вице-премьер мартын 31-дэ үгэhэн байна. «Үсэгэлдэр үдэшэ Москвагай сагаар 20 сагта таанадта даалгабаринуудые ябуулhан байнабди, тэдэнэр Владимир Владимирович Путинай даалгабари дүүрэн бэелүүлхэ зорилготойгоор тааруулагданхай. Энээндэ анхаралаа хандуулжа, тэдэниие дүүрэн бэелүүлхыетнай гуйнаб», - тэрэ тэмдэглэбэ.
Юрий Трутневай тэмдэглэhэнэй ёhоор, Алас Дурнын можо бүхэндэ коронавирусна үбшэнэй дэлгэрхэгүй талаар оперативна штаб байгуулагданхай. Эдэ штабуудые можо нютагуудай толгойлогшонор хүтэлбэрилөө. Оперативна штабhаа мэдээсэл үдэр бүри Ородой Холбоото Уласай Юрэнхылэгшын Алас Дурнын тойрогто бүрин эрхэтэ түлөөлэгшын аппарадта дамжуулагдана.
