377
Хүндэтэ нютагаархид!
Ородой Холбоото Уласай Юрэнхылэгшэ ажалгүй үдэрнүүдые апрелиин hүүл болотор хойшолуулба. Энэнь коронавирус үбшэнтэй холбоотой. Манай уласта энэ талаар байдал хүндэ. Мүнөө уластамнай 31 хүн үбшэлөө гэжэ элирүүлэгдэнхэй.
Удаан ажалгүй байха энэ болзор уласай эдэй засаг болон ажаhуугшадаймнай олзодо нүлөө үзүүлхэ. Теэд ажамидарал шухала. Элүүр энхэ байдал бэшэ, харин ажамидарал! Дэлхэйн бусад гүрэнүүдтэ коронавирусhаа боложо, хүнүүд олоор наhа барана гэжэ бидэ мэдэнэбди. Манай эндэ ямар байдал тохёолдохоб гэжэ бидэнhээ дулдыдана. Байдалай hайн тээшэ хубилхада, хизаарлалтануудые сагhаа урид болюулхабди. Тиигэхын тула үбшэнтэниие, тэрэнтэй харилсаhан хүнүүдые түргэн элирүүлхэ шухала. Тиимэhээ гэрhээ гарангүй байха, хизаарлаhан хэмжээнүүдые сахиха шухала! Харилсаhан хүнүүдэй тоо бага болохо ха юм. Коронавирус үбшэниие дараха арга олгыт даа!
Коронавирусай удаа шиидхэхэ эгээл шухала асуудал хадаа олзын хэрэг эрхилэлгэ хамгаалха болоно. Тэдэнэр ажалаа үргэлжэлүүлжэ, салин түлэхэ арга олгохо. Бюджедэй hалбарида энэ талаар амар. Эгээл орёо байдал бага олзын хэрэг эрхилэлгэдэ тохёолдонхой.
Хахад жэлэй налог татабариин болзор хойшолуулагдана, салин түлэхэ талаар банкнуудhаа процентгүй урьhаламжанууд, олзын хэрэг эрхилэлгэдэ урьhаламжа болон тэдэнэй проент түлэлгэ хойшолуулха арга, физическэ нюурнуудта ипотекэ болон урьhаламжын түлбэри хойшолуулха арга болон бусад хэмжээнүүд тухай хэлэгдэнхэй. Юрэнхылэгшын элирхэйлhэн хэмжээнүүд туhаламжа үзүүлхэ. Тиигээшье hаань, эдэ хэмжээнүүд бага, үгы гэбэл, эдэ хэмжээндэ хүртэхэгүй хүнүүд байха гэжэ ойлгосотой. Тиимэhээ дэмжэлгын нэмэлтэ хэмжээнүүдые абахабди.
Би энээн тухай хэлээ hэм, зарим хэмжээнүүдые абаабди(msp03.ru). Хизаарлалтын хойшолуулагдаhан болзорhоо нэмэлтэ, бүри туhатай хэмжээнүүд хэрэгтэй, тэрэ тоодо сүлжээ холбоондо онлайн хөөрэлдөөндэ ороhон дурадхалнууд болон асуудалнуудаар. Абахабди! Хэды мүнгэн хэрэгтэйб гэжэ тоолонобди. Арга бэдэрхэбди, тиихэдэ Алас Дурнын тэдхэмжын хэмжээндэ
Байдал бидэнhээ дулдыдана гэжэ дахин дабтанаб. Хизаарлаhан хэмжээнүүдые сахингүй байбал, тохёолдоhон байдал доройтохо. Өөрыгөө болон бусад зониие тодхорто бү оруулагты!
Хүндэтэ нютагаархид! Нэн түрүүн ажалаар хангагшадта ханданаб. Олзын хэрэг эрхилэгшэд, бюджедэй hалбари: Авиазавод, ЦКК, Бурятзолото, сэсэгэй магазин, парикмахерска, эмэй сан, хүүгэдэй сэсэрлиг, ИП Иванов, ИП Бадмаева, «Буренка» ажахы болон бусад – хэнэй ажал тогтонижонхойб, хэнэй ажал доройтооб – бултанда ханданаб! «Работа в России»! (trudvsem.ru.) гэhэн порталда бүридхэлдэ орогты гэжэ уряалнаб. Буряад Уласай ажалаар хангадаг агентствын сайтда бүридхэлдэ орохо гурим толилогдонхой. Саг соонь өөр тухайгаа мэдээсэл оруулха шухала. Билэшье ажалаар хангагшад, ажалгүй болоhон хүнүүд тухай, хүн бүхэнөөр мэдэхэ ёhотойбди! Бидэндэ хэндэ, ямар туhаламжа үзүүлхэ тухай дунда зэргын тоонуудые бэшэ, харин тодо тоонуудые мэдэхэ хэрэгтэй. Тиихэдэ энэ порталда толилогдоhон мэдээсэлээр федеральна дэмжэлгэ үзүүлэгдэхэ.
Булта элүүр энхэ ябагты! Олзын хэрэг эрхилэлгэ тогтууритай байг! Ажалланабди!
