992
Буряад Уласай Толгойлогшын даабаряар уласай «ЭкоАльянс» оператор хубиин гэрнүүдтэ ажаһуудаг зоной бог шоройн түлөө түлбэри хубилгангүй орхибо.
Тиигэжэ 2020 оной февралиин 1-һээ бог хаядаһанай түлөө нэгэ хүнэй 67, 76 түхэриг (нэгэдэхи газарта), 66,91 түхэриг (хоёрдохи газарта), 64,21 түхэриг (гурбадахи газарта) гэһэн сэн хубилгагдангүй байгуулагдаба.
Буряад Уласай Засагай газарай 2017 оной октябриин 16-ай 502-дохи тогтоолоор хүн бүхэндэ бог шоройн норматив байгуулагданхай. Олон байратай гэртэ ажаһуудаг зон жэлэй 1,99 гурбалжан метр бог шорой, хубиин гэртэ ажаһуудаг зон жэлэй 2,27 гурбалжан метр бог хаяха аргатай.
2020 оной февралиин 1 болотор хубиин гэртэ ажаһуугшадай бог шоройн норматив олон байратай гэртэ ажаһуудаг зоной нормативтай адляар тоологдог һэн. Мүнөө тус тогтоол дүүрэн бэелүүлэгдэхэ.
Буряад уласай ажаһуугшад февраль һарада бог шоройн түлөө мүнгэн нэмэгдэнхэй гэжэ данса ерэнхэй һаань, тэрэнь заатагүй удаадахи һарада хороогдохо.
