1617
Буряадай барилгын болон гэр байрын ажахы шэнэдхэлгын сайдай орлогшо Евгений Коркин Северобайкальск хотын, Нижнеангарск болон Таксимо һууринуудай ажаһуугшадтай уулзажа, аюултай болоһон гэрнүүдһээ зөөлгэн тухай хөөрэжэ, олон байратай гэрнүүдтэ ехэ заһабарилга үнгэргэхэ асуудалаар хэлсэһэн байна.
Тиихэдэ 2020 ондо «БАМай дэбисхэртэ оршодог үмхирһэн, ажаһуухада аюултай, заһахаар бэшэ болоһон гэрнүүдһээ ажаһуугшадые зөөлгэхэ» гэһэн программа бэелүүлгэдэ 299,8 сая түхэриг хараалагданхай. Северобайкальск хотодо - 6,8 сая түхэриг, Хойто-Байгалай аймагта - 155,3 сая түхэриг, Муяын аймагта 137,6 сая түхэриг дамжуулагдаха. Һомологдоһон мүнгэнэй хэмжээнһээ 78 бүлэдэ ниигэмэй тэдхэмжэ үзүүлэгдэхэ.
2020 ондо Буряад уласта федеральна бюджетһээ 291 644,1 мянган түхэриг һомологдонхой. Тиигэжэ 1221 үнэмшэлгэ бүтээгдэжэ, Муя аймагай ажаһуугшадта – гэр абаха 38 үнэмшэлгэ, Северобайкальск хото болон Хойто-Байгалай аймагуудта 18-18 ажаһуугшадта үнэмшэлгэ барюулагдаха.
Олон байратай гэрнүүдэй ехэ заһабарилгада уласай хойто аймгауудта 2020 оной заһабарилгын түсэб табигданхай. Тиихэдэ Северобайкальск хотодо олон байратай 25 гэртэ 50,29 сая түхэригэй заһабарилга хэгдэхэ. Муя аймагатй олон байратай 11 гэртэ - 24,51 сая түхэригэй, Хойто-Байгалай аймагта олон байратай 25 гэртэ 50,83 сая түхэригэй заһабарилгын ажал хэгдэхэ юм.
