912
Буряад Уласай Зэдэ аймагай фермерскэ ажахын хүтэлбэрилэгшэ Владимир Гунзенов мяханай үүлтэрэй бодо малай үүлтэр һайжаруулха гэжэ сагаан толгойто казах үүлтэрэй бухануудай үрэһэ худалдан абаа. Энэ хэрэгтэ хүдөө ажахы эрхилэгшэ 450 мянган түхэриг гаргашалһан байна. Тэрэнэй гаргашын 95% Буряад Уласай хүдөө ажахын болон эдеэ хоолой яаман бусаагаа.
Бүхыдөө улас дотор мяханай үүлтэрэй мал һайжаруулхын талаар селекционно-үүлтэрэй ажал ябуулха талаар хэмжээнүүд абтана. Мүнөө үүлтэртэ малай ажахынуудта 13 үүлтэрэй мал үсхэбэрилэгдэнэ гээд тэмдэглэлтэй.
Буряадай үүлтэр һажаруулгын албанай мэдээсэһээр, 2019 оной үүлтэр һайжаруулгын талаар шэнжэлгэнүүдые хээ.
- Тиихэдээ хари гүрэнүүдтэ үхэр мал худалдаха талаар асуудалда анхаралаа хандуулнабди. 2019 ондо Алтайн хизаарһаа болон Самарска можоһоо 209 толгой бодо мал худалдан абалгада тэдхэмжэ түлэгдөө, - гэжэ Буряад Уласай Засагай газарай хүдөө ажахы хүгжөөлгын талаар орлогшо – Буряад Уласай хүдөө ажахын болон эдеэ хоолой яаманай сайд Д.-Ж. Чирипов хэлэбэ.
