930
Буряад Уласай 18 аймагуудай 68 залуу бүлэдэ гэр худалдан абаха (бариха) ниигэмэй тэдхэмжэдэ хүртэхэ үнэмшэлгэнүүдые мартын 11-дэ барюулаа. Бүхыдөө энэ тэдхэмжэдэ 156 залуу бүлэ хүртэһэн байна.
Буряад Уласай спортын болон залуушуулай бодолгын талаар сайд Вячеслав Дамдинцурунов өөрын гэртэй болохо аргатай болоһонтойнь амаршалжа, аза жаргалтай, гэртэтнай хүүгэдэй энеэдэн бү замхаг гэжэ хэлэбэ.
Байгша ондо Буряад Уласта залуу бүлэнүүдтэ гэр худалдан абаха (бариха) талаар федеральна бюджетһээ 82,9 сая түхэриг, уласай болон аймагуудай бюджедүүдһээ хори-хорин сая түхэриг һомологдоо.
Табан хүбүүд, нэгэ басагатай Хлыбовтнэй гэр бүлэ тэдхэмжэдэ хүртэжэ, 3,2 сая түхэригөөр юундэ шэглүүлхэеэ түсэблэнхэй.
- Манай бүлэдэ энэ ехэ удха шанартай, сэнтэй. Юундэб гэхэдэ, хүнэй гэрнүүдтэ мүнгэ түлэжэ байрладаг һаа, мүнөө өөдын гэртэй болохобди, - гэжэ Роман Хлыбов баяраараа хубаалдаба.
Энэ тэдхэмжэдэ хүртэхэ гэбэл, 35 наһа хүрөөгүй бүлэнүүд ажаһуудаг газарайнгаа ниигэмэй хамгаалгын таһагта хандаха хэрэгтэй.
