283
Мүрысөөндэ хабаадаһан эхэнэрнүүдэй дундаһаа 31,8%-нь – Центральна федеральна тойрогһоо, 17,1% – Приволжско федеральна тойрогһоо, 12,2% - Сибириин федеральна тойрогһоо, 11,1% - Северо-Западна федеральна тойрогһоо, 10,6% - Уралай федеральна тойрогһоо, 8,8% - Южна федеральна тойрогһоо, 5,1% - Алас Дурнын федеральна тойрогһоо, 3,3% - Хойто Кавказай федеральна тойрогһоо.
Мүрысөөндэ хабаадаха эхэнэрнүүдэй хахадынь шахуу (48,7%) 30-һаа 40 хүрэтэр наһатай. 40-50 наһатай 23,6% эхэнэрнүүд, 50-һаа дээшэ наһатай эхэнэрнүүд 5,6% юм. 30-һаа доошо наһатай эхэнэрнүүд 22,1% -нь болоно. Мүрысөөндэ 21-һээ 55 хүрэтэр наһатай Ород гүрэнэй ажаһуугшад хабаадаха аргатай.
Мүрысөөндэ хабаадаха гэжэ бүридхэлдэ абтаһан эхэнэрнүүдэй хахадһаа ехэниинь магистратура гү, али мэргэжэлэй һургуули дүүргэнхэй (51,2%), 17,5%-нь бакалаврай дипломтой, 16,7%-нь хоёр гү, али хоёрһоо дээшэ дээдэ һургуулитай. Хабаадагша эхэнэрнүүдэй 6,3%-нь дунда мэргэжэлэй һургуули дүүргэнхэй, 5%-нь – эрдэмэй кандидадууд, 0,6%-нь – эрдэмэй докторнууд. Тиихэдэ 2,7% эхэнэрнүүд магистр делового администрирования гэһэн зэргэтэйбди гэжэ мэдүүлээ. Мүрысөөндэ хабаадахын тула заатагүй дунда, дээдэ мэргэжэлтэй байха ёһотой, тэрэ тоодо, бакалавриат.
Тушаал эзэлдэгээрээ, мүрысөөндэ хабаадаха эхэнэрнүүдэй 33,6%-нь мэргэжэлтэдээр хүдэлнэ, 22,1%-нь – багахан таһагуудай хүтэлбэрилэгшэд, 21,8% - топ-менеджернүүд, 11,7%-нь – линейнэ гү, али функциональна хүтэлбэрилэгшэд, 8,5% -нь өөрын хэрэг эрхилнэ, 2,3%-нь – хүтэлбэрилэгшэд.
Мүрысөөнэй эрхилэгшэ Ородой Холбоото Уласай Гүрэнэй Дүүмын Федеральна Суглаанай түрүүлэгшын орлогшо Ирина Яровая «оршон үедэ эхэнэршье, эрэ хүншье тэгшэ мэргэжэл ехэтэй, зохёохы ажалынь урагшатай, үрдилдэн тэмсэхэ аргатай» гэжэ һануулаа, тиимэһээ «эхэнэрнүүд мүрысөөндэ хабаадаха мүнөө сагта тон таараһан повесткэтэй, саашадаа Ород гүрэнэй мүнөө болон ерээдүйн хүгжэлтэдэ урагшатай хабаадаха аргатай» гэжэ сайд тобшолбо.
- Россиин мүнөө сагай гүрэн түрын бодолго хадаа хүнүүдтэ, хүнүүдэй ажана тэнюун байдалда, Ород гүрэнэй түүхын эшэ үндэһэн, хүгжэлтэ, үнгэрһэн сагай туйлалтанууд болон ерээдүйн эрдэм ухаан, гэр бүлэнүүдые хамгаалга болон үхибүүдые хүмүүжүүлгэдэ хабаатай. Эхэнэрнүүд энэрхы сэдьхэлтэй эжынэр, ходо дулааханаар хандажа ябадаг. Тиимэһээ эмэгтэйшүүл гүрэн түрын бодолгодо хабаадалсахадаа, ажал хэрэгээ һайн мэдэжэ, шиидхэбэринүүдые абалгада шухала шэнжэ нэмэлсэдэг, - гэжэ мүрысөөнэй залан хүтэлбэрилэгшэ тэмдэглэнэ.
