​Үнгэрэгшэ долоон хоногой хугасаада Улаан-Үдын 353 эрхэтэн ханяада хамшагай үбшэнгүүдтэ нэрбэгдээ

Гэхэ зуура, эрхэтэдые грипп үбшэнhѳѳ hэргылэлгын хүдэлмэри үргэлжэлүүлэгдэhээр. Федеральна hан жасаhаа hомологдоhон мүнгэнэй ашаар бага үхибүүд, hургуулиин hурагшад, багшанар, мүн hуралсалай гуламтануудта хүдэлдэг бусад хүдэлмэрилэгшэд, оюутад, эмшэлгын hалбарида ажаллагшад, хангалтануудые үзүүлэгшэд, жаранhаа дээшэ наhатайшуул болон бусад hэргылэгдэхэ еhотой. Хүүгэдые хамгаалхын тула «Гриппол плюс», томошуулда «Гриппол», «Совигрипп» гэжэ вакцинанууд хэрэглэгдэнэ. Улаан-Үдын мэдээсэлэй политикын талаар управлениин дуулгаhаар, инактивированна эдэ вакцинанууд амиды вирусгүй, грипп лаб хүргэхэгүй шэнжэтэй, шанар hайтай hэн тула, шэлэгдээ юм байна. Иимэ хамгаалалга хүүлэhэн эрхэтэдэй 90 процент грипп үбшѳѳр үбдэдэггүй, хамшаглаашье hаа, тэрэнь бэлээр үнгэрдэг гээд эмшэд тэмдэглэнэ. Илангаяа үндэр наhатайшуулда, саг үргэлжэ үбдэшэдэг зондо грипп ехэ аймшагтай. Юуб гэбэл, наhа бараха ушарнуудай 80 процент хадхаляа хамшагhаа шалтагтай гээд ниислэлэй мэдээсэлэй политикын управлени дуулгаба.