895
Яхад, Тыва, Хакас Уласуудай, хүршэ Үбэр Байгалай хизаарай, Эрхүү можын эрхим дуушад хабаадаха гэжэ хараалагдана. Тэдээнһээ гадна Солонгос, Хитад, Казахстан, Армени, Нигери, Монгол оронуудай дуушадһаа мэдүүлгэнүүд оронхой гэжэ Соёлой яаман мэдээсэнэ.
Шэлэн абалгын түрүүшын шата мартын хоёрто үнгэрхэ. Эндэ жюриин гэшүүд хари гүрэнүүдэй болон хүршэ можонуудай хабаадагшадай бэлиг шадабариие гэршэлһэн видеобуулгабаринуудые хаража шэлэхэ болоно.
Харин Буряад Уласай дуушадые шагнажа, мүрысөөндэ шэлэн абахаар түсэблэгдэнэ. Ород драмын Н. Бестужевай нэрэмжэтэ театрай тайзан дээрэ мартын 23-да эрхим дуушадай мүрысөөн, мартын 24-дэ түгэсхэлэй шата үнгэрхэ. Энэ хэмжээ ябуулгада эстрадын мэдээжэ дуушад хабаадажа, мүрысөөнэй шэмэг болохо гэжэ дуулганабди.
Буряадай гүрэнэй телерадиокомпаниин үүсхэлээр, Буряад Уласай арадай уран бэлигэй түбэй дэмжэлгээр энэ хэмжээ ябуулга 1990-ээд онуудта үнгэргэгдэжэ эхилһэн юм. Тус мүрысөөнэй түрүүшын илагшад гэбэл, Зэдэ аймагай дуушан Дарима Доржиева, Кабанскын аймагай Николай Бабинцев, Мухар-Шэбэр аймагай Андрей Федотов гэгшэд болоно. Тиихэдэ үшөө һургуулиин шаби байһан, мүнөө мэдээжэ дуушан болонхой Зоригто Тогочиев «Найдал» гэһэн шанда хүртөө һэн.
Тэрэ гэһэнһээ хойшо хабаадагшадай тоо улам олон боложо, уласай«Сагаан һара» гэһэнмүрысөөн Ази болон Номгон далайн хэмжээнэй болоод, удаань уласхоорондын зэргэтэй болонхой. Һүүлэй жэлнүүдтэ Ородой Холбооной Уласай хизаар, можонуудһаа гадна хари гүрэнүүдэй түлөөлэгшэдэй олоор хабаадаадаг болоһыень онсолмоор. Нёдондо Гран-при шанда Монгол Уласай Наранбаатар (Наагий) хүртөө һэн.
Мүрысөө эмхидхэгшэ – уласай арадай уран бэлигэй түбтэй холбоо барихада болоно: (8-3012) 45-53-25, 60-30-14,. е-mail: [email protected], www.байкалфолк.рф
