895
Болгариин Несебр хотодо үнгэргэдэһэн “Солнце, радость, красота” гэһэн Уласхоорондын хүүгэдэй 7-дохи фестивальда “Булжамуур” ансамбль “Хатар” гэһэн номинацида Гран-при шанда хүртэбэ.
Фестивальда хабаадагшад хүгжэм, хатар, зураг болон залуушуулай зохёохы ажаябуулгын һонирхолтой түхэлнүүд гэһэн номинацинуудаар мүрысэһэн байна.
“Булжамуур” ансамблиин дунда, бага наһанай үхибүүд июниин 13-14-нэй үдэрнүүдтэ Болгарида Хара далайн эрьедэ “Арена дружбы” гэһэн Уласхоорондын 4-дэхи фестиваль-мүрысөөндэ хабаадажа, “Арадай болон үндэһэтэнэй хатарнууд” гэһэн номинацида 1-дэхи шатын Лауредай Дипломдо хүртөө һэн гэжэ һануулнабди. Тэдэнэр “Мистрал-2” гэһэн Уласхоорондын элүүржүүлгын хүүгэдэй түбтэ амарангаа, уласхоорондын мүрысөөнүүдтэ эдэбхитэйгээр хабаадана.
Буряад Уласай Соёлой яаманай сайтһаа гэрэл зураг абтаба.
