​Буряад Уласай эрхим багшанар шагнагдаха

Эрхим багшанарые элирүүлхэ зорилготой жэл бүри үнгэргэгдэдэг мүрысөөнэй дүнгүүд элирүүлэгдэбэ.

Буряад Уласай Болбосоролой болон эрдэм ухаанай яаманда түрүү багшанарай нэрэ зэргэдэ хүртэхэ хүнүүд элирүүлэгдэжэ, данса бэлдэгдэжэ, дээдэ зургаанда эльгээгдэһэн байна. Удаань Ородой Холбоото Уласай Болбосоролой болон эрдэм ухаанай яаманай захиралтаар тэрэ данса баталагдаа.Тэрэнэй ёһоор, уласай эрхим арбан багша федеральна һан жасаһаа тус тустаа 200 мянган түхэригэй шангуудые абаха юм. Тиихэдэ үшөө 14 багша Буряад Уласай бюджедһээ 50-50 мянган түхэригэй шангуудта хүртэхэ. Байгша ондо уласай шатын мүрысөөндэ 58 багшанар хабаадаажа, тэдэнэй ехэнхинь Улаан-Үдыэ түлөөлһэн байна гээд уласай Болбосоролой болон эрдэм ухаанай яаманай мэдээсэлэй албан дуулгаба. Буряад Уласай Зэдэ, Хойто-Байгалай, Муяын, Аха, Түнхэн болон Бабантын аймагуудһаа бэшэ, бусад нютагай байгууламжануудай түлөөлэгшэд эрхимэй нэрэдэ хүртэхын түлөө мүрысэһэн байна. Намарай дунда һарын эхиндэ багшанарай һайндэртэ дашарамдуулан үнгэргэгдэдэг баяр ёһололдо эрхим багшанар шагнагдаха.