533
Буряад Уласай Толгойлогшо Алексей Цыденовэй даалгабаряар үсэгэлдэр үдэшэ Засагай газарай Түрүүлэгшын аюулгүй байдал сахиха талаар орлогшо Пётр Мордовскойн хүтэлбэри доро улас дотор һайрамай үерэй байдалай талаар суглаан үнгэргэгдэбэ.
Энэ суглаанда Улаан-Үдэ хотын захиргаанай хотын ажахы хороон, болбосон түхэлтэй болгохо талаар комбинат, Улаан-Үдэ хотын захиргаанай онсо байдалай талаар хороон, Ородой Холбоото Уласай онсо байдалай талаар Буряадтахи хүтэлбэри, уласай транспортын яаман, эрхэтэдэй хамгаалалгын болон онсо байдалай талаар уласай агентствын түлөөлэгшэд хабаадаа.
Уласай болон Улаан-Үдэ хотын захиргаанай албануудта, тиихэдэ Ивалга, Тарбагатай болон Загарай аймагуудай хүтэлбэрилэгшэдтэ һайрамай үерэй хойшолонгуудые усадхаха талаар бэлэн байхаар суглаанда даалгагдаба.
«Улаан-Үдын дачануудай эблэлнүүдтэ харгы татаха, эрэмдэг бэетэй болон наһатай зондо саһа, уһа арилгаха талаар туһа хүргэхэ. Ивалга, Тарбагатай болон Загарай аймагуудай хүтэлбэрилэгшэдтэ һайрамай үер усадхалгын талаар ажал ябуулха хүнүүд болон техникэ бэлэн байхаар даалгагдаба», - сказал Петр Мордовской.
Мартын 22-рой үглөөгүүр Водоканал, онсо байдалай талаар яаман болон сэрэгшэдэй техникэ хотын гудамжануудые уһа саһанһаа арилгаха.
«36-дахи армиин хүтэлбэрилэгшэдтэй туһа хүргэхэ талаар хэлсээбди. Тэдэнэй техникэ үглөөдэр хэрэглэгдэхэ. Улаан-Үдэдэ мүнөө уһа, саһанһаа арилгаха 21 машина ажал ябуулна. Үглөөдэр олзын хэрэг эрхилэгшэдэй 9 машина хотын гудамжануудта гараха. Энэ талаар тохёолдоһон байдал хинагдана. Гэрнүүдэй уһанда абтаха болобол, хаана хандаха тухай олондо мэдээсэл тарааадаг хэрэгсэлнүүдтэ дуулгагдаха», - гэжэ Пётр Мордовской тэмдэглэбэ.
