838
Буряад Уласай хүдөө ажахын болон эдеэ хоолой яаманай сайдай орлогшо Пётр Брыков, ногоо ургуулгын,механизациин таһагай дарга Владимир Вахрунов гэгшэд Бэшүүр аймаг гаража, хабарай тарилгада бэлэдхэлхэр яажа үнгэргэгдэнэб гэжэ хараһан байна. Тэдэнэр 5 томо ажахыда хүрэжэ, орооһоной хүрэнгэ, үтэгжүүлгэ, тиихэдэ газар хахалха, элдүүрилхэ техникэ хараһан байна. Хүдөө ажахы эрхилэгшэдэй асуудалнуудаар хэлсэжэ, хойто жэлдэ таряа тариха паар хараба. Шалгалтын дүнгүүдээр, хүдөө ажахынууд хабарай тарилгада бэлэн, тэдэндэ мүнгэ һомолхо болон хүнгэлэлтэтэй урьһаламжа үгэхэ талаар асуудалнууд шиидхэгдээ гэжэ Пётр Брыков хэлэбэ.
Тиихэдэ хүдөө ажахын болон эдеэ хоолой яаманай хүтэлбэрилэгшэд Мухар-Шэбэр аймаг хүрэжэ, «Тугнуй» ажахыда баригдажа байһан уһалалгын системэ хараһан байна. Барилгын ажал дүүрэхээр болонхой. Тиихэдэ ажахыда хүреэлэн уһалха машинануудые асаржа, системэдэ хабсаргаха юм.
