604
Буряад Уласай барилгын ба гэр байрын шэнэдхэлэй яаманай хэблэлэй албанай гэрэл зураг
Буряад Уласай барилгын ба гэр байрын шэнэдхэлэй яаманаар уласай газарые түсэблэн хубаарилгаар хүдэлмэри ябуулагдана. ООО “Джи-Динамика” үйлэдбэриин зургаанай түлөөлэгшэдтэй энэ яаманда уулзалга үнгэрөө. Тус компани аукциондо илажа, энэ ажалые хэхэ. Ажал хэгшэдтэй 3,5 сая түхэригэй хэлсээн баталагдаа. Буряад уласай газар нютагые түсэблэхэ тобшо зураг 2010 ондо бүтээгдэнхэй. Энэ данса транспортна, инженернэ болон ниигэмэй һалбаринуудай талаар уласай 20 жэлэй хүгжэлтэ элирүүлнэ.
Тобшо зураг гүрэнэй хэрэглэхэ барилгын объектнүүдэй байрлалга ба тусхай эрилтээр хэрэглэхэ газарай хэһэгүүдээр шэнэлэгдэхэ.
Буряад уласай тобшо зурагта федеральна хуулиин бүхы шэнэ нэмэлтэнүүд хараалагдаха ёһотой. Тиин 2010 онһоо эхилээд нэмэгдэһэн нормативна-правовой актнууд, гүрэнэй программанууд, нютаг можын ниигэмэй ба эд засагай хүгжэлтын талаар дансын хубилалтанууд хараалагдаха ёһотой.
Түсэлэй хүдэлмэриин дүнгүүд федеральна, нютаг можын яамануудаар болон гүрэнэй эмхинүүдээр зүбшэгдэхэ. Түсэлэй хүдэлмэри байгша оной декабриин 31-дэ түгэсэхэ.
“Джи Динамика” инженернэ-техническэ түб Санкт-Петербургда байрладаг, инженернэ системэ, газар нютагай түсэблэлгэ, эрдэмэй-шэнжэлгын ажаябуулга хэнэ.
Мүнөө жэл Буряад уласай бүхы аймагууд уласай бюджетһээ 16, 7 сая түхэригэй мүнгэнэй тэдхэмжэдэ хүртөө. Тэрэ мүнгэн газар нютагай түсэблэлгын болон градостроительна зонированиин дансануудта нэмэлтэ оруулха талаар дамжуулагданхай. Тусхайлбал, хотын болон һомоной генеральна түсэбтэ ба газар хэрэглэлгын, барилгын гуримда нэмэлтэнүүд хэгдэхэ.
