Главная / Новости /Общество / ​Буряад уласай Загарай аймагта шатааһан шабараар хирпиисэ үйлэдбэрилхэ

​Буряад уласай Загарай аймагта шатааһан шабараар хирпиисэ үйлэдбэрилхэ

06-07-2018

Байгша оной долоон хоногой туршада, уласай барилгын ба гэр байрын ажахын шэнэдхэлэй сайдай орлогшо Сергей Рыбальченко Загарай аймагта оршодог ООО «Геологическая партия «Восток» гэжэ компаниин ажалтай ошожо танилсаа.

Энэ компани улас дотор түрүүшынхиеэ шатааһан шабараар хирпиисэ үйлэдбэрилжэ эхилхэ. Сергей Рыбальченко компаниин ажалтай  танилсаба.

Загарайн аймагай дэбисхэртэ ехэ технологична завод 2015 онһоо 2017 он хүрэтэр баригдаа. Завод жэлэй 40 сая штук хирпиисэ бүтээхэ түсэбтэй.

Мүнөөдэртөө, завод баригдаад, хэрэгсэл бэлдэгдэжэ эхилэнхэй.

2019 оной 1-дэхи гурбан һарын туршада бэлэн үйлэдбэри бүтээжэ эхилхэ һанал бии.

Хүршэ можонуудай, уласай барилгын дэлгүүр дээрэ үйлэдбэри наймаалха түсэб табигданхай. Мүнөөдэр болотор шатааһан шабараар хирпиисэ улас дотор бүтээдэггүй байһан юм. Тэрээниие  Эрхүү можоһоо, Красноярск хизаарһаа худалдажа абадаг байгаа. 

Буряад Уласай барилгын ба гэр байрын ажахын шэнэдхэлэй хэблэлэй албанай гэрэл зураг  


Теги: Буряад Уласай Загарай аймаг хирпиисын завод



Наши издания