819
Буряад Уласай Кабанск аймагта Уласай ойн ажахын агентствын, Кабанск, Ивалга аймагуудай ойн ажахын, Үбэр Байгалай хизаарай авиациин ойн харуулай хүдэлмэрилэгшэд Байгалай эрье, ойронь оршодог ойн жаса бог шоройһоо сэбэрлэбэ.
Ойн һалбариин хүдэлмэрилэгшэд хуули бусаар бог шорой обоологдоһон 4 газар усадхаба. Тэдэнэй хэлэһээр, ехэнхидээ хүнүүдэй хаяһан бог болоно.
«Эхэ газараа ариг сэбэрээр байлгахын тула, заатагүй ехэ хэмжээ ябуулгануудые эмхидхэхэ хэрэгтэй бэшэ. Зарим ушарта байгаалида сэнгүүтэйгээр амарһанай удаа бог шоройгоо суглуулхада, оршон тойронхи бузарлагданагүй ха юм», - гэжэ ойн ажахын агентствын хүдэлмэрилэгшэд тэмдэглэнэ.
Ойн харуулай хүдэлмэрилэгшэд 2 «КАМАЗ» машина болон шагтага тэргэ, бүхыдөө дүшэнһөө дээшэ кубометр бог шорой суглуулжа гаргаба. Саашадаа тэдэнэр уласай бусад аймагуудта оршон тойронхи байгаали сэбэрлэхэ талаар хэмжээ ябуулгануудые үнгэргэхөөр түсэблэнэ.
Буряад Уласай Ойн ажахын агентствын хэблэлэй албанай гэрэл зураг
