889
Улаан-Үдэ шадар оршодог Поселье һууринда 400 мянганһаа дээшэ дүрбэлжэн метрэй талмайда 450 һууритай һургуулиин барилга эхилбэ. Гараха долоон хоногто байшанай фундамент хэгдэжэ эхилхэ.
Федеральна бүридхэлдэ түсэблэлгын-гаргаша тоололгын дансануудаар эдэй засагай талаһаа аша үрэтэй гэжэ тоологдоһон түсэлөөр барилга ябуулагдаха. Энэл түсэлөөр Ивалга Гүрэльбэ һууринда һургуули баригдаһан байна.
Поселье һууринда һургуули барилгада «Болбосорол» гэһэн үндэһэтэнэй түсэлөөр 400 сая түхэриг һомологдоо. 2019 оной декабрь һарада тус һургуули ашаглалгада тушаагдаха гэжэ түсэблэгдэнэ.
Байгша ондо Буряад уласта Ивалга аймагай Хойто бэе, Загарай аймагай Нижние Тальцы, Түнхэн аймагай Аршаан, Кабанск аймагай Клюевка, Доодо Саяанта болон Улаан-Үдэдэ үшөө 9 һургуули баригдаха гээд һануулнабди.
Гүрэльбын һургуулиин нээлгын баяр ёһололдо Буряад Уласай Толгойлогшо Алексей Цыденовэй хэлэһэнэй ёһоор, жэлэй дүүрэтэр улас дотор табан һургуули баригдаха юм. 2020 ондо уласай һургуулинуудта гурбадахи халаан усадхагдаха гэжэ түсэблэгдэнэ.
Тиихэдэ «Демография» гэһэн үндэһэтэнэй түсэлэй хэмжээндэ 1,5 жэлтэй үхибүүдэй ябаха хүүгэдэй сэсэрлигүүд баригдаха гэжэ түсэблэгдэнэ. Байгша ондо 17 сэсэрлигэй барилга юхилхэ юм.
Анна Огороднигой гэрэл зураг
