732
“Хани нүхэсэлдэ холын зай һаад хэхэгүй! “Нүхэдтөө рюкзагыень суглуулалсая” гэһэн арга хэмжээ соносхонобди. Эрхүү можын Тулун хотодо болоһон үерһөө хохидогшо хүбүүд, басагадай һургуулиин сүүмхэнүүдыень дүүргэлсэхэмнай гү?”, - гэжэ Россиин һурагшадай хүдэлөөнэй Буряадтахи таһагай гэшүүд “Вконтакте” гэһэн ниитын сүлжээндэхи хуудаһандаа бэшэнэ.
Бүхэроссиин хэмжээнэй тус акцида һуралсалай эмхи зургаанууд, үхибүүд болон гэртэхин, багшанар ба нигүүлэсхы сэдьхэлэйнгээ уряагаар туһалхые хүсэһэн хүн бүхэн хабаадалсаха аргатай.
Улаан-Үдэ хотодо Хрустальная, 1а хаягаар июлиин 24-һөө августын 15 болотор бэшэгэй хэрэгсэлнүүдые болон бусад зүйлнүүдые хүлеэн абаха. Алибаа асуудалаар Шобоев Баир Владимиров гэжэ хүнтэй 8 (914) 636-90-96 харилсахада болоно.
Автор: Даши-Доржо БОЛОТОВ
